Home Daily news দেশত ক’ভিডৰ সংক্ৰমণ, পজিটিভিটিৰ হাৰ কমিছে

দেশত ক’ভিডৰ সংক্ৰমণ, পজিটিভিটিৰ হাৰ কমিছে

কেন্দ্ৰীয় চৰকাৰে কয় যে কৰ্ণাটক, মহাৰাষ্ট্ৰ আৰু তামিলনাডুকে ধৰি ৩৪খন ৰাজ্য আৰু কেন্দ্ৰীয় শাসিত অঞ্চলত ক’ভিড-১৯ৰ  সংক্ৰমণ আৰু পজিটিভিটিৰ হাৰ কমিছে৷ আনহাতে কেৰালা আৰু মিজোৰামত এতিয়াও সংক্ৰমণ আৰু পজিটিভিটি বাঢ়ি আছে৷ চৰকাৰে কয় যে মহামাৰীৰ পৰিস্থিতি উন্নত হৈছে আৰু কভিডৰ সংক্ৰমণ বিয়পা কমিছে৷ ২৬৮খন জিলাত পজিটিভিটিৰ হাৰ ৫ শতাংশৰ তলত আছে৷ ভেকচিনৰ ড’জ দিয়া বৃদ্ধিৰ কাৰণে ক’ভিড-১৯ত মৃত্যু হোৱা লোকৰ সংখ্যা কমা লক্ষ্য কৰা হৈছে৷ চৰকাৰে কয় যে ক’ভিড-১৯ৰ দৈনিক সক্ৰিয় ৰোগীৰ সংখ্যা অহৰহ কমি আছে আৰু দৈনিক পজিটিভিটিৰ হাৰো কমিছে৷ ই ইংগিত দিয়ে যে সংক্ৰমণ বিয়পাটো কমিছে৷ বৰ্তমানৰ তথ্যই ইংগিত দিয়ে যে সংক্ৰমণ বৃদ্ধি আগৰ নিচিনা নহয়, বৰ্তমান ভেৰিয়েণ্টটোৰ সংক্ৰমণত জটিলতা কম৷ পূৰ্বৰ ঢৌৰ দৰে জটিলতা বা ৰোগীৰ মৃত্যুৰ ঘটনাৰ সম্ভাৱনা কম৷ চৰকাৰে কয় যে ক’ভিডৰ এইবাৰৰ ঢৌত ৪৪ বছৰৰ ঊৰ্ধবৰ লোকসকল সংক্ৰমণ পূৰ্বৰ ঢৌবোৰৰ তুলনাত বেছি৷ যোৱা বছৰ ৫৫ বছৰ গড় বয়সৰ লোকসকলৰ সংক্ৰমণ বেছি হৈছিল৷ এইবাৰৰ ক’ভিডৰ ঢৌত অধিকাংশ ৰোগীৰ ডিঙিৰ চেৰচেৰণি হোৱা লক্ষ্য কৰা হৈছে৷ চিকিৎসাৰ বাবে ঔষধৰ ব্যৱহাৰ কম হৈছে৷ বিদ্যালয়সমূহ পুনৰ খোলাৰ প্ৰসংগত চৰকাৰে কয় যে ১১খন ৰাজ্যত স্কুলবোৰ সম্পূৰ্ণৰূপে,১৬খন ৰাজ্যত উচ্চতৰ শ্ৰেণীসমূহ আংশিকভাৱে খোলা হৈছে৷ ৯খন ৰাজ্যত স্কুলবোৰ সম্পূৰ্ণৰূপে বন্ধ আছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...