Home Daily news দৃষ্টিশক্তি ভালে ৰাখিবলৈ কোনকেইবিধ পানীয় উপকাৰী?

দৃষ্টিশক্তি ভালে ৰাখিবলৈ কোনকেইবিধ পানীয় উপকাৰী?

চকু ভালে ৰাখিবলৈ আমি বিভিন্ন উপায় অৱলম্বন কৰাৰ লগতে খোৱাৰ ক্ষেত্ৰতো সাৱধানতা অৱলম্বন কৰোঁ৷ একেদৰে চকুযুৰি ভালে ৰাখিবলৈ কিছুমান পানীয় অতি আৱশ্যক, যি সেৱন কৰিলে চকুৰ দৃষ্টিশক্তি উন্নত হোৱাৰ লগতে চকুৰ বিভিন্ন সমস্যাৰ পৰা হাত সাৰি থাকিব পাৰি৷ জানো আহক কি কি পানীয়ই চকুযুৰি ভালে ৰাখে৷
এলোভেৰা জেলত ভিটামিন-এ, ভিটামিন-বি, ভিটামিন-চি, ভিটামিন-ই আদিৰে ভৰপূৰ৷ ইয়াৰ বাহিৰেও এলোভেৰা জেল জিংক, ছেলেনিয়াম, মেগনেচিয়াম আদি খনিজ পদাৰ্থৰ ভাল উৎস৷ এইসমূহ উপাদান চকুৰ দৃষ্টিশক্তিৰ বাবে যথেষ্ট উপকাৰী৷
ভিটামিন-চিৰে সমৃদ্ধ কমলাৰ ৰস চকুৰ পক্ষে ভাল৷ কমলাৰ ৰস সেৱন কৰিলে চকুৰ ছানি পৰা ৰোগৰ আশংকা নাথাকে৷ তদুপৰি কমলাৰ ৰসে চকুৰ ৰক্তবাহিকাবোৰ মজবুত কৰে৷ কমলাৰ ৰসত ফলেট পোৱা যায়, যিয়ে গৰ্ভস্থ সন্তানৰ ভ্ৰূণৰ দৃষ্টি বিকাশত গুৰুত্বপূৰ্ণ ভূমিকা গ্ৰহণ কৰে৷
নাৰিকলৰ ডাবৰ পানীত প্ৰচুৰ মাত্ৰাত ভিটামিন, খনিজ, এমাইন’ এচিড আৰু ইলেক্ট্ৰলাইট থাকে৷ চকুৰ ছানি পৰা, গ্লুক’মা তথা চকুৰ আন সমস্যা সমাধানৰ বাবে নিয়মিতৰূপে ডাবৰ পানী সেৱন কৰিব লাগে৷
গাজৰ বা বীটত কেৰোটিন পোৱা যায়৷ চকুৰ স্বাস্থ্যৰ বাবে এই কেৰোটিন অতি লাগতিয়াল৷ আনহাতে বীটত লিউছিন আৰু জেক্সেন্থিন থাকে, যিয়ে চকুৰ ৰেটিনা সুস্থ ৰখাত সহায় কৰে৷ দৈনিক এই দুবিধ খাদ্যৰ ৰস সেৱন কৰিলে চকুৰ পক্ষে উপকাৰী৷
আমলখিত প্ৰচুৰ পৰিমাণে ভিটামিন-চি পোৱা যায়৷ আনহাতে আমলখিত লিউছিন আৰু জেক্সেন্থিন থাকে, যি উপাদানে চকুৰ দৃষ্টিশক্তি বঢ়োৱাৰ লগতে চকুযুৰিক নানা বিকাৰৰ পৰা ৰক্ষা কৰে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...