Home Daily news তেজপুৰৰ সুমিষ্ট লিচু লণ্ডনলৈ

তেজপুৰৰ সুমিষ্ট লিচু লণ্ডনলৈ

বিদেশৰ বজাৰত তেজপুৰৰ লিচুৱে সমাদৰ লাভ কৰাৰ সময়তে আনুষ্ঠানিকভাৱে সুদূৰ লণ্ডনলৈ তেজপুৰৰ মঙহাল সুমিষ্ট লিচু ৰপ্তানিৰ শুভাৰম্ভ কৰি মুখ্যমন্ত্ৰীয়ে নিজেও এই লিচু খাই ইয়াৰ সোৱাদ লয়৷ উল্লেখ্য যে ২০১৫ চনতে জি আই টেগ লাভ কৰিবলৈ সক্ষম হোৱা তেজপুৰৰ মুম্বায়া, ইলাচী, বাদামী, দেশী, বিলাতী ইত্যাদি বিভিন্ন প্ৰজাতিৰ লিচুৱে ইতিমধ্যে দেশে-বিদেশে সমাদৰ লাভ কৰিবলৈ সক্ষম হৈছে৷ 
অগ্নিগড় ফাৰ্মাৰ প্ৰডিউচাৰ কোম্পানীৰ জৰিয়তে তেজপুৰৰ এই বিখ্যাত লিচুৰ প্ৰথমটো কনচাইনমেণ্ট আনুষ্ঠানিকভাৱে মুখ্যমন্ত্ৰীয়ে শুভাৰম্ভ কৰি লণ্ডনলৈ প্ৰেৰণৰ ব্যৱস্থা কৰে৷ শ্বাহি প্ৰজাতিৰ ৬০০ কেজি আৰু বুম্বায়া প্ৰজাতিৰ ১০০ কেজি, অৰ্থাৎ ২৭০০০টা লিচু প্ৰেৰণ কৰা হয়৷ 
ৰপ্তানিৰ এই সমগ্ৰ প্ৰক্ৰিয়াটোৰ সৈতে জড়িত হৈ আছে কে আই ই জি এ এগজিম্‌চ নামৰ প্ৰতিষ্ঠানটোৰ লগতে নাবাৰ্ড, এপিডা, এপাৰ্ট, অসম কৃষি বিশ্ববিদ্যালয়, বিশ্বনাথ কৃষি মহাবিদ্যালয়, কৃষি বিজ্ঞান কেন্দ্ৰ তেজপুৰ, তেজপুৰ বিশ্ববিদ্যালয়, অসম চৰকাৰৰ কৃষি বিভাগ আৰু শোণিতপুৰ জিলা প্ৰশাসন৷ তেজপুৰৰ পৰোৱা, হাৰিগাঁও, কলিবাৰী, পল্টন পুখুৰীকে ধৰি বিভিন্ন স্থানত ৰঙীন সুমিষ্ট লিচুৰে ভৰি পৰে এই সময়ছোৱাত৷ 
কিন্তু বাণিজ্যিক ব্যৱস্থা আৰু পৰিকল্পিতভাৱে লিচু খেতি কৰাৰ বাবে সহযোগিতাৰ অভাৱৰ বাবেই তেজপুৰৰ লিচুৱে বাণিজ্যিকভাৱে সফল হ’ব পৰা নাছিল যদিও একাংশ খেতিয়কক লৈ গঠন কৰা হৈছে অগ্নিগড় ফাৰ্মাৰ্ছ প্ৰডিউচাৰ কোম্পানী৷ ইফালে মুখ্যমন্ত্ৰীয়ে তেজপুৰৰ লিচুৰ প্ৰসংগত কয় যে এই ফলবিধ সংৰক্ষণৰ প্ৰয়োজন আৰু ইয়াৰ বাবে এটা প্ৰচেছিং ইউনিটৰ দৰকাৰ৷ সেয়েহে লিচু খেতিয়কসকলৰ সহায় হ’ব পৰাকৈ তেজপুৰত এটা বিশেষ প্ৰকল্প স্থাপনৰ বাবেও চৰকাৰে পদক্ষেপ গ্ৰহণ কৰিব৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,