Home Daily news ডাম্পিং গ্ৰাউণ্ডৰ দুৰ্গন্ধত অতিষ্ঠ ৰাইজ

ডাম্পিং গ্ৰাউণ্ডৰ দুৰ্গন্ধত অতিষ্ঠ ৰাইজ

দিপৰ বিল সংযোগী পামহী কেনেলৰ দাঁতিত গুৱাহাটী পৌৰ নিগমে যোৱা বছৰৰ আগষ্টৰ প্ৰথম সপ্তাহত ডাম্পিং গ্ৰাউণ্ড স্থাপন কৰি মুকলিকৈ মহানগৰীৰ আৱৰ্জনা পেলোৱাক লৈ স্থানীয় ৰাইজৰ প্ৰতিক্ৰিয়া অব্যাহত আছে৷ 
দিপৰ বিলৰ দুয়োপাৰৰ বৃহত্তৰ অঞ্চলটোৰ ১৬খন গাঁৱৰ ৰাইজ ডাম্পিং গ্ৰাউণ্ডৰ দুগন্ধত অতিষ্ঠ হৈ প্ৰতিবাদ সাব্যস্ত কৰে৷ বিগত সময়ছোৱাত পৌৰ নিগমে ৰাইজৰ দাবীত ডাম্পিং গ্ৰাউণ্ডত বৈজ্ঞানিক পদ্ধতি ব্যৱহাৰ কৰি প্ৰদূষণৰ পৰা অঞ্চলটোক ৰক্ষা কৰিব বুলি প্ৰতিশ্ৰুতি দিছিল যদিও সেই  প্ৰতিশ্ৰুতি ৰূপায়ণ নোহোৱাত দাঁতিকাষৰীয়া অঞ্চলসমূহত দুৰ্গন্ধই ছানি ধৰিছে৷  
ফলত ডাম্পিং গ্ৰাউণ্ডৰ বিপৰীত দিশত থকা পামহী কাৰ্বিপাৰা ৰাইজৰ আহ্বান মৰ্মে অঞ্চলটোৰ শতাধিক লোক হাতে হাতে বেনাৰ, প্লে’ কাৰ্ড লৈ ওলাই আহি পশ্চিম বৰাগাঁৱৰ বেলৰতলত  ডাম্পিং গ্ৰাউণ্ড সংযোগী পথত তিনি ঘণ্টা সময় প্ৰতিবাদী কাৰ্যসূচী পালন কৰে৷ 
আনকি দুৰ্গন্ধ আঁতৰোৱাৰ বাবে ২২ ফেব্ৰুৱাৰীৰ ভিতৰত বৈজ্ঞানিক পদ্ধতি ব্যৱস্থা গ্ৰহণ কৰিব বুলি দিয়া প্ৰতিশ্ৰুতি পালন নকৰাত ৰাইজ ক্ষুব্ধ হৈ পৰিছে৷  ইফালে পৌৰ নিগমে যদি শীঘ্ৰে বৈজ্ঞানিক পদ্ধতিৰে দুৰ্গন্ধ আঁতৰ কৰাৰ ব্যৱস্থা গ্ৰহণ নকৰে, তেন্তে পৌৰ নিগমক আগন্তুক দিনত তীব্ৰ গণতান্ত্ৰিক আন্দোলন গঢ়ি তুলিব বুলি ৰাইজে হুংকাৰ দিয়ে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,