Home Daily news ডাঃ অৰিজিত ৰুমো বৰুৱালৈ দেশৰ শ্ৰেষ্ঠ স্নাতকোত্তৰ গৱেষণা-পত্ৰ বঁটা

ডাঃ অৰিজিত ৰুমো বৰুৱালৈ দেশৰ শ্ৰেষ্ঠ স্নাতকোত্তৰ গৱেষণা-পত্ৰ বঁটা

সৰ্বভাৰতীয় পৰ্যায়ত শ্ৰেষ্ঠ স্নাতকোত্তৰ গৱেষণা পত্ৰৰ বঁটা লাভ কৰি যোৰহাট চিকিৎসা মহাবিদ্যালয় আৰু চিকিৎসালয়ৰ চিকিৎসক অৰিজিত ৰুমো বৰুৱাই সফলতা লাভ কৰাৰ লগতে ৰাজ্যখনলৈ গৌৰৱ কঢ়িয়াই আনিছে৷ জে এম চি এইচৰ শল্য চিকিৎসা বিভাগৰ চিকিৎসক ডাঃ বৰুৱাক তেওঁৰ গৱেষণাৰ বাবে Indian Association of Gastrointestinal Endo Surgeons-এ শ্ৰেষ্ঠ স্নাতকোত্তৰ গৱেষণা-পত্ৰ বঁটা প্ৰদান কৰে৷ চিকিৎসকগৰাকীয়ে A comparative Study between Conventional laparoscopic cholecystectomy and mini clipless laparos copic cholecystectomy বিষয়ত গৱেষণা পত্ৰৰ বাবে এই বঁটা লাভ কৰে৷ 
চিকিৎসকগৰাকীৰ পৰা জানিব পৰা মতে, mini clipless laparoscopic cholecystectomy) হৈছে লেপাৰস্ক’পিৰ সহায়ত গলব্লাডাৰ অস্ত্ৰোপচাৰ কৰা এটা পদ্ধতি৷ এই গৱেষণাৰ জৰিয়তে গলব্লাডাৰৰ অস্ত্ৰোপচাৰৰ প্ৰচলিত পদ্ধতিৰ লগত এই পদ্ধতিৰ পাৰ্থক্য আছে নে আৰু কি কি দিশত পাৰ্থক্য আছে, সেই বিষয়ে গৱেষণা কৰা হৈছে৷ 
উল্লেখ্য যে সৰ্বভাৰতীয় লেপস্ক’পিক সংস্থা ইণ্ডিয়ান এছ’চিয়েশ্যন অব্‌ গেষ্ট্ৰ’ইনটেষ্টিনেল ইনডো ছাৰ্জনছে দেশৰ বিভিন্ন ঠাইৰ চিকিৎসা প্ৰতিষ্ঠানসমূহৰ শল্য চিকিৎসাৰ গৱেষণা পত্ৰসমূহৰ পৰা মূল্যাংকনৰ বাবে প্ৰথমে ১৪খন পত্ৰ নিৰ্বাচন কৰে৷ চূড়ান্ত ৰাউণ্ডত নিৰ্বাচিত হোৱা প্তখন গৱেষণা পত্ৰৰ পৰা যোৰহাটৰ চিকিৎসকগৰাকীৰ গৱেষণা পত্ৰখনে শ্ৰেষ্ঠতা লাভ কৰে৷ 
অন্ধ্ৰ প্ৰদেশৰ ৰজাহমুন্দ্ৰীত অনুষ্ঠিত হোৱা আই এ জি ই এছৰ ১৯ সংখ্যক ৰাষ্ট্ৰীয় অধিৱেশনৰ এক বৰ্ণাঢ্য অনুষ্ঠানত ডাঃ অৰিজিত ৰুমো বৰুৱাক এই বঁটা প্ৰদান কৰা হয়৷ চিকিৎসকগৰাকীয়ে এই গৱেষণা ডাঃ নৰেন্দ্ৰ নাথ গাংগুলী, ডাঃ মানৱ গোহাঁই আৰু ডাঃ নীলোৎপল বৰাৰ তত্ত্বাৱধানত সম্পাদন কৰিছিল৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...