Home Daily news জাপানীজ এনকেফেলাইটিছ প্ৰতিৰোধৰ বাবে কিদৰে ব্যৱস্থা গ্ৰহণ কৰিব

জাপানীজ এনকেফেলাইটিছ প্ৰতিৰোধৰ বাবে কিদৰে ব্যৱস্থা গ্ৰহণ কৰিব

ৰাজ্যখনক ভয়াৱহ বানে জুৰুলা কৰাৰ পাছতে এইবাৰ আকৌ ভূতৰ ওপৰত দানহ পৰাদি জাপানীজ এনকেফেলাইটিছৰ প্ৰাদুৰ্ভাৱ ঘটিছে৷  এতিয়ালৈকে জে ইত ৪৮ গৰাকী আক্ৰান্ত হৈছে আৰু ৬ গৰাকীয়ে প্ৰাণ হেৰুৱাবলগীয়া হৈছে৷ ৰাজ্যৰ কেইবাখনো জিলাত জে ই-এ জটিল ৰূপ ধাৰণ কৰিছে৷ বিশেষকৈ নগাঁও জিলাত এই ৰোগে ভয়াৱহ ৰূপ লৈছে৷ এইপৰ্যন্ত নগাঁও জিলাত জে ইত তিনিজনে প্ৰাণ হেৰুৱাইছে৷ সেয়েহে জাপানীজ এনকেফেলাইটিছ ৰোগৰ বিৰুদ্ধে যুঁজ দিবলৈ ৰাজ্য চৰকাৰে কিছু নীতি জাৰি কৰিছে৷ জে ই প্ৰতিৰোধ কৰিবলৈ সজাগ আৰু সচেতন হ’বলৈ কিছু নিয়ম-নীতি অৱলম্বন কৰাটো অত্যন্ত জৰুৰী৷ সাধাৰণতে বগলী বা কণামুচৰি হৈছে জাপানীজ এনকেফেলাইটিছ ৰোগৰ মুখ্য বাহক৷ আনহাতে গাহৰি এই ভাইৰাছৰ সম্প্ৰসাৰক হিচাপে গণ্য কৰা হয়৷ যি মহক সংক্ৰমিত কৰা উচ্চ ভাইৰেল লোড উৎপন্ন কৰে৷  সেয়েহে জাপানীজ এলকেফেলাইটছৰ পৰা নিজক তথা পৰিয়ালৰ কিদৰে সুৰক্ষিত কৰি ৰাখিব জানো আহক৷ 
মহৰ কামোৰৰ পৰা নিজকে সুৰক্ষা প্ৰদান কৰক৷
সন্ধিয়া বা পুৱা পানী জমা হোৱা ঠাই বা এলেকালৈ যোৱা পৰিহাৰ কৰক৷ কিয়নো এই সময়ত মহবোৰ অধিক সক্ৰিয় হয়৷
শোৱাৰ সময়ত সদায় আঁঠুৱা তৰি শোৱক৷
সন্ধিয়া বা পুৱা ভাগত পাতল ৰঙৰ, দীঘল হাতৰ কাপোৰ পৰিধান কৰক৷
সন্ধিয়া সময়ত মহ প্ৰতিৰোধ কৰিবলৈ কীটনাশক, ধূপ-ধূনা জ্বলাওক৷
আপোনাৰ চাৰিওফাল সদায় পৰিষ্কাৰ-পৰিচ্ছন্নকৈ ৰাখক৷ যিহেতু লেতেৰা ঠাইত মহে কণী পাৰে৷ গতিকে ঘৰৰ চৌপাশে কোনোধৰণৰ লেতেৰা বস্তু জমা হ’বলৈ নিদিব৷
পানী ওলাই যোৱা নলাবোৰ চাফা কৰি ৰাখিব, যাতে ঘৰৰ চৌহদত পানী জমা হ’ব নোৱাৰে৷
পেলনীয়া পাত্ৰ, অব্যৱহৃত টায়াৰ, টাব, ফুলনি বাৰী আদিত পানী জমা হ’বলৈ নিদিব, কিয়নো এইবোৰ হ’ল মহে কণী পৰাৰ উত্তম ঠাই৷
আপুনি যদি গাহৰি পালন কৰে, তেন্তে ঘৰৰ পৰা অতিকমেও ১০০ মিটাৰ আঁতৰত গাহৰি প্ৰতিপালন কৰক৷
গাহৰিৰ গঁৰাল জাল বা আঁঠুৱাৰে ঢাকি দিয়াৰ ব্যৱস্থা কৰক৷
নিয়মীয়া ব্যৱধানত গাহৰিৰ টিকাকৰণৰ ব্যৱস্থা কৰক৷
মনত ৰাখিব আপোনাৰ সাৱধানতা আৰু সজাগতাই জে ই নিৰ্মূলত মুখ্য ভূমিকা পালন কৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,