Home Daily news চৰাইৰ কৃত্ৰিম বাহ সাজি অভিনৱ পদক্ষেপ

চৰাইৰ কৃত্ৰিম বাহ সাজি অভিনৱ পদক্ষেপ

মৰিগাঁও জিলাৰ কেইগৰাকীমান প্ৰকৃতিপ্ৰেমী লোকে এইবেলি গুৱাহাটী মহানগৰীকে ধৰি ৰাজ্যখনৰ প্তখন নগৰত চৰাইৰ কৃত্ৰিম বাহ আঁৰিবলৈ মন মেলিছে৷ এই উপলক্ষে জিলাখনৰ ‘প্ৰকৃতিপ্ৰেমী মঞ্চ’ নামৰ প্ৰকৃতি সংগঠনটোৱে এতিয়া চৰাইৰ কৃত্ৰিম বাহ নিৰ্মাণত ব্যস্ত হৈ পৰিছে৷ প্ৰকৃতিপ্ৰেমী মঞ্চৰ সভাপতি দেবেন দাস আৰু সম্পাদক হিতেশ শৰ্মাই জনোৱা মতে, এইবাৰ তেওঁলোকে ডিব্ৰুগড়, যোৰহাট, তিনিচুকীয়া আৰু শিৱসাগৰ জিলাত প্ৰকৃতিপ্ৰেমী লোকসকলৰ মাজত সজাগতা অনাৰ লক্ষ্যৰে চৰাইৰ কৃত্ৰিম বাহ গছে গছে আঁৰিবলৈ প্ৰস্তুতি চলাইছে৷ যাৰবাবে তেওঁলোকে চৰাইৰ কৃত্ৰিম বাহ নিৰ্মাণত দিনে-নিশাই ব্যস্ত হৈ পৰিছে৷ গুৱাহাটী মহানগৰত দুশ আৰু বাকী নগৰকেইখনসহ মুঠতে ৫০০ বাহ নিৰ্মাণকাৰ্য চলাই আছে৷ প্ৰকৃতিপ্ৰেমী মঞ্চই ১৩ ফেব্ৰুৱাৰীৰ দিনা গুৱাহাটী মহানগৰৰ কেইবাঠাইতো চৰাইৰ কৃত্ৰিম বাহ আঁৰি পক্ষী সংৰক্ষণ পষেকৰ শুভাৰম্ভণি কৰে৷ ৫০০ বাঁহৰ বাবে তেওঁলোকে প্ৰতি কে বি আম আৰু পমাৰ কাঠ ক্ৰয় কৰিছে ৩৫০ টকা মূল্যত৷ ইয়াৰ উপৰি গজাল আৰু উল্লিখিত নগৰকেইখনলৈ বাহসমূহ আঁৰিবলৈ যাবলৈ যাতায়তৰ খৰচসহ মুঠ ২ লক্ষাধিক টকা খৰচ হ’ব বুলি ক’লে সম্পাদক হিতেশ শৰ্মাই৷ উল্লেখ্য যে প্ৰকৃতিপ্ৰেমী মঞ্চই ইয়াৰ পূৰ্বেও মৰিগাঁও জিলাখনৰ বিভিন্ন ঠাইত বিগত বৰ্ষসমূহত বসন্ত কালত গছ-গছনিৰ ডালত কৃত্ৰিম বাহ আঁৰি আহিছে৷ বৰ্তমান যান্ত্ৰিকতাৰ সময়ত গছ-গছনি ধ্বংস হ’বলৈ ধৰাত চৰায়ে বাহ সাজিবলৈ হাহাকাৰ কৰিব লগা, বিশেষকৈ গছৰ খোৰো¸ঙত বাহ লোৱা পক্ষীসমূহলৈ সংকট নামি আহিছে৷ সেয়েহে প্ৰকৃতিৰ বুকুত পক্ষীকুলকো জীয়াই ৰাখিবলৈ সংগঠনটোৱে এনে প্ৰচেষ্টা অব্যাহত ৰাখিছে৷ উল্লেখ্য যে প্ৰকৃতিপ্ৰেমী সংগঠনটোৱে ৰাজ্য চৰকাৰক বন সপ্তাহৰ দৰে পক্ষী সংৰক্ষণ সপ্তাহ উদ্‌যাপনৰ ব্যৱস্থা হাতত ল’বলৈ আহ্বান জনাইছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,