Home Daily news গৰ্ভধাৰণৰ ৩৩ সপ্তাহতগৰ্ভপাতৰ অনুমতি ন্যায়ালয়ৰ!

গৰ্ভধাৰণৰ ৩৩ সপ্তাহতগৰ্ভপাতৰ অনুমতি ন্যায়ালয়ৰ!

গৰ্ভপাতৰ ক্ষেত্ৰত লোৱা ‘চূড়ান্ত সিদ্ধান্ত’ত নাৰীৰ জন্ম দিয়াৰ পচন্দক আৰু নজন্মা শিশুৰ মৰ্যাদাশালী জীৱনৰ সম্ভাৱনাক উপলব্ধি কৰা উচিত৷ ২৬ বছৰীয়া এগৰাকী বিবাহিতা মহিলাক ৩৩ সপ্তাহৰ গৰ্ভধাৰণৰ গৰ্ভপাত কৰিবলৈ অনুমতি দি দিল্লী উচ্চ ন্যায়ালয়ে এইদৰে কয়৷ গৰ্ভস্থ সন্তানৰ মস্তিষ্ক সম্পৰ্কীয় অস্বাভাৱিকতা [চেৰিব্ৰেল এবনৰ্মেলিটি] থকা উক্ত মহিলাগৰাকীক তৎকালীনভাৱে তেওঁৰ পচন্দৰ এখন অনুমোদিত চিকিৎসালয় বা প্ৰতিষ্ঠানত গৰ্ভপাত কৰাবলৈ ন্যায়াধীশ প্ৰতিভা এম সিঙে অনুমতি দিয়ে৷ ন্যায়াধীশ সিঙে কয় যে গৰ্ভপাত কৰিবলৈ সিদ্ধান্ত লওঁতে মহিলাগৰাকী কেনেকুৱা নিদাৰুণ দোধোৰ-মোধোৰ অৱস্থাৰ মাজেৰে পাৰ কৰে, সেই কথা মাৰাত্মক অস্বাভাৱিকতা থকা ঘটনাসমূহে দেখুৱায়৷ ন্যায়াধীশে কয় যে বৰ্তমানৰ গোচৰটোত তেওঁ অভিভাৱকক ক্ৰিয়া কৰা মানসিক পীড়া আৰু তেওঁলোকৰ অৰ্থনৈতিক তথা সামাজিক অৱস্থা অনুধাৱন কৰিবলৈ সক্ষম হৈছে৷ মহিলাগৰাকীয়ে তেওঁৰ আৱেদনত জনাইছিল যে গৰ্ভধাৰণৰ ১৬ সপ্তাহলৈকে আলট্ৰাছাউণ্ডৰ পৰীক্ষাত কোনো অস্বাভাৱিকতা নাছিল৷ কিন্তু ৩০ সপ্তাহৰ পাছত ১২ নৱেম্বৰত কৰা অন্য এক আলট্ৰাছাউণ্ড পৰীক্ষাত অস্বাভাৱিকতা ধৰা পৰে৷ তাৰ পাছতে মহিলাগৰাকী উচ্চ ন্যায়ালয়ৰ কাষ চাপে৷

Most Popular

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...

বিশাল অট্টালিকাৰ ভৰে বছৰিদুই মিঃমিঃলৈ বহাইছে নিউয়ৰ্কক

নিউয়ৰ্ক চহৰখন বছৰি অহৰহ তললৈ বহি যাবলৈ আৰম্ভ কৰিছে৷ ইয়াৰ প্ৰধান কাৰণ হ’ল মহানগৰখনত বছৰি ক্ৰমবৰ্ধমান গতিত বৃহৎ বৃহৎ অট্টালিকা নিৰ্মাণ কৰাটো৷...

পাইলটলৈ প্ৰত্যাহ্বান : কৃত্ৰিম বুদ্ধিমত্তাৰ দ্বাৰা উৰিব বিমান

বৰ্তমান যুগটোক বহুতেই কৃত্ৰিম বুদ্ধিমত্তাৰ যুগ বুলি ক’বলৈ লৈছে৷ ইয়াৰ কাৰণ হ’ল বিভিন্ন ক্ষেত্ৰত বহুলভাৱে ব্যৱহাৰ কৰিবলৈ লোৱা হৈছে কৃত্ৰিম বুদ্ধিমত্তাক৷ শেহতীয়াকৈ...