Home Daily news গুৱাহাটী উচ্চ ন্যায়ালয়ৰ প্ৰশ্ন:পৰিচয়-পত্ৰবিহীন লোকক কিদৰে ভেক্‌চিন প্ৰদান কৰা হ’ব?

গুৱাহাটী উচ্চ ন্যায়ালয়ৰ প্ৰশ্ন:পৰিচয়-পত্ৰবিহীন লোকক কিদৰে ভেক্‌চিন প্ৰদান কৰা হ’ব?

অসমৰ স্বাস্থ্য মন্ত্ৰীয়ে কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰীক দিল্লীত সাক্ষাৎ কৰাৰ পাছত অসমলৈ আৰু সাত লক্ষাধিক ভেক্‌চিন প্ৰেৰণ কৰা হয়৷ এতিয়া অসমত  প্ৰায় ১৭ লাখ ভেক্‌চিন মজুত আছে৷ কিন্তু ভেক্‌চিন থাকিলেও সঠিক পৰিচয়-পত্ৰ অবিহনে ভেক্‌চিন লাভৰ পৰা বঞ্চিত হৈছে বহু লোক৷ সম্প্ৰতি এই পৰিচয়-পত্ৰহীন লোকসকলক কিদৰে ভেক্‌চিন প্ৰদান কৰা হ’ব বুলি অসম চৰকাৰক প্ৰশ্ন কৰিছে গুৱাহাটী উচ্চ ন্যায়ালয়ে৷ এই সন্দৰ্ভত গুৱাহাটী উচ্চ ন্যায়ালয়ত ৰুজু হোৱা এটা ৰাজহুৱা স্বাৰ্থজড়িত গোচৰৰ শুনানি লৈ ন্যায়ালয়ে অসম চৰকাৰক কিদৰে পৰিচয়-পত্ৰহীন লোকক ভেক্‌চিন দিব  তাৰ সমাধান সূত্ৰ বিচাৰিছে৷ কাৰণ পৰ্যাপ্ত পৰিচয়-পত্ৰ নথকাৰ বাবে একাংশ লোক কভিড ভেক্‌চিন লাভ কৰাত সমস্যাৰ সন্মুখীন হৈছে৷ উচ্চ ন্যায়ালয়ে অসম চৰকাৰক এই কথা অৱগত কৰাৰ বাবে দুসপ্তাহৰ সময়সীমা বান্ধি দিছে৷ দুসপ্তাহৰ ভিতৰত অসম চৰকাৰে ন্যায়ালয়ত শপতনামা দাখিল কৰিব লাগিব৷ সমান্তৰালভাৱে দ্বিতীয় ড’জৰ ভেক্‌চিন লোৱাৰ ক্ষেত্ৰত যাতে কোনো সমস্যাত নপৰে, সেই সন্দৰ্ভতো চৰকাৰৰ পৰা ন্যায়ালয়ে ব্যাখ্যা বিচাৰে৷ লক্ষণীয় যে ৰাজ্যৰ বিভিন্ন কাৰাগাৰত বন্দী হৈ থকা লোকসকলক ভেক্‌চিন প্ৰদান কৰা সন্দৰ্ভতো অসম চৰকাৰক ন্যায়ালয়ে প্ৰশ্ন কৰে৷ সম্প্ৰতি ৰাজ্যৰ বিভিন্ন কাৰাগাৰত মুঠ ১১,৩৯৮জন লোক বন্দী হৈ আছে৷ গোচৰটোৰ পৰৱৰ্তী  শুনানি অহা ১৬ আগষ্টত সম্পন্ন হোৱাৰ বাবে আদালতে দিন ধাৰ্য কৰিছে৷  অসমত এইপৰ্যন্ত মুঠ ১,০৮,০৮,০৯১জন লোকক ভেক্‌চিন প্ৰদান কৰা হৈছে৷ ইয়াৰে প্ৰথম পালি ভেক্‌চিন ৮৮,৬০,২৫২জন লোকক আৰু দুয়োপালি ভেক্‌চিন ১৯,৪৭,৮৩৯জন লোকক প্ৰদান কৰা হৈছে৷

Strong information on health

5.0 rating
March 12, 2021

From this website anyone can get good information on health. As health is wealth, so, following this website let’s take care for our health.

Again Kumar Nath

Most Popular

শোৱাৰ আগতে এইবোৰ ভুলতো নকৰিব! পৰিব পাৰে বয়সৰ চাপ (Never do these before sleeping to avoid signs of ageing)

আমি আমাৰ ছালখন ভালে ৰাখিবলৈ কত কি যে কৰোঁ হিচাপ নাই৷ কিন্তু ইয়াৰ মাজতে আমাৰ নিজৰ কিছুমান ভুল থাকে, যাৰ বাবে আমাৰ...

NCRB-ৰ প্ৰতিবেদন ! নাৰীজনিত অপৰাধত দেশৰ ভিতৰতে অসমৰ স্থান ১ (Assam tops list in crime against women in the country : NCRB)

নিৰাপত্তাহীন হৈ পৰিছে ৰাজ্যৰ নাৰী সমাজ৷ নাৰীজনিত অপৰাধৰ ক্ষেত্ৰত দেশৰ ভিতৰতে একেৰাহে চতুৰ্থ বৰ্ষৰ বাবে শীৰ্ষত আছে অসম৷ National Crime Records Bureau...

বগা নে বাদামী ! কোনবিধ ৰঙৰ কণী খোৱাটো ভাল (Which egg is more nutritious, white or brown coloured ?)

প্ৰ’টিনযুক্ত খাদ্যৰ ভিতৰত কণী অন্যতম৷ কণীয়ে আমাৰ শৰীৰত প্ৰ’টিনৰ অভাৱ দূৰ কৰে লগতে পুষ্টিৰ যোগান ধৰে৷ কণীৰ বহুতো উপকাৰী গুণ আছে৷ আমি...

আগন্তুক সকলো পূজাক লৈ চৰকাৰৰ নতুন SOP (Govt’s new SOP for all forthcoming puja celebrations)

শাৰদীয় দুৰ্গা পূজাৰ লগতে কালী পূজা, দীপাৱলীলৈকে সকলো পূজাৰ SOP জাৰি কৰিছে ৰাজ্যৰ স্বাস্থ্য মন্ত্ৰী কেশৱ মহন্তই৷ যোৱা ১৫ ছেপ্টেম্বৰৰ সন্ধিয়া নতুন...

Recent Comments