Home Daily news গাহৰিৰ কৃত্ৰিম প্ৰজননৰ নতুন যন্ত্ৰ পিগীফ্লাস্ক উদ্ভাৱন

গাহৰিৰ কৃত্ৰিম প্ৰজননৰ নতুন যন্ত্ৰ পিগীফ্লাস্ক উদ্ভাৱন

অসম তথা উত্তৰ-পূৰ্বাঞ্চলৰ থলুৱা গাহৰি পালকৰ বাবে অধিক লাভজনক হোৱাৰ দিশৰ আশাৰ বতৰা কঢ়িয়াইছে অসম কৃষি বিশ্ববিদ্যালয়ে৷ গাহৰি পালকসকলক সকাহ দিবলৈ বিশ্ববিদ্যালয়ে দীৰ্ঘদিনীয়া গৱেষণাৰ জৰিয়তে এক অভিনৱ প্ৰযুক্তিৰ যন্ত্ৰ নিৰ্মাণ কৰি উলিয়াইছে, যাৰ জৰিয়তে অধিক লাভৱান্বিত হ’ব পাৰিব গাহৰি পালকসকল৷ 
পিগীফ্লাস্ক নামৰ এই যন্ত্ৰৰ জৰিয়তে থলুৱা গাহৰিৰ কৃত্ৰিম প্ৰজনন সুকলমে সম্পন্ন কৰিব পৰা যাব৷ ফলত পূৰ্বতকৈ অধিক লাভৱান্বিত হ’ব পাৰিব গাহৰি পালকসকল৷ অসম কৃষি বিশ্ববিদ্যালয়ৰ খানাপাৰাস্থিত পশু চিকিৎসা বিজ্ঞান মহাবিদ্যালয়ৰ এদল গৱেষক বিজ্ঞানীয়ে গৱেষণাৰ জৰিয়তে এই সাফল্য লাভ কৰিছে৷
এই বিষয়ে জানিবলৈ দি বিশ্ববিদ্যালয়ৰ জৈৱ প্ৰযুক্তি বিভাগৰ মুৰব্বী তথা এই প্ৰকল্পৰ সঞ্চালক অধ্যাপক ড॰ নগেন্দ্ৰ নাথ বৰ্মনে কয় যে গাহৰিৰ কৃত্ৰিম প্ৰজননৰ ক্ষেত্ৰত এটা প্ৰধান সমস্যা এই যন্ত্ৰৰ জৰিয়তে সমাধান কৰিবলৈ সক্ষম হ’ব৷ 
সাধাৰণতে নিম্ন উষ্ণতাত সংৰক্ষণ কৰি ৰখা শুক্ৰাণু পালকৰ ওচৰত উপলব্ধ কৰোৱাত সমস্যা হয় আৰু উষ্ণতাৰ সামান্য তাৰতম্যৰ বাবে শুক্ৰাণুবোৰ নষ্ট হৈ গাহৰিৰ কৃত্ৰিম প্ৰজননত পালকসকল বিফল হয়৷ 
সেই দিশৰ প্ৰতি লক্ষ্য ৰাখি ডিবিটি-নিকেব্‌হ প্ৰকল্পৰ সৌজন্যত পিগীফ্লাস্ক নামৰ এই যন্ত্ৰ নিৰ্মাণ কৰি উলিয়াইছে৷ এই যন্ত্ৰৰ জৰিয়তে গাহৰিৰ শুক্ৰাণু প্ত ঘণ্টা পৰ্যন্ত সংৰক্ষণ কৰি এঠাইৰ পৰা আন ঠাইলৈ সৰবৰাহ কৰিব পৰা পৰীক্ষণ সফলতাৰে সম্পন্ন কৰা হৈছে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...