Home Daily news কোনে ঘোষণা কৰিলে শিশু বিবাহমুক্ত ভাৰত অভিযান

কোনে ঘোষণা কৰিলে শিশু বিবাহমুক্ত ভাৰত অভিযান

উত্তৰ-পূৰ্বাঞ্চলৰ অসমত বিগত দুবছৰত বাল্য বিবাহৰ হাৰ বৃদ্ধি পাইছে৷ ৰাজ্যখনৰ জনজাতীয় সম্প্ৰদায়সমূহৰ মাজত এই প্ৰথা প্ৰচলিত হৈ আছে৷ ২০১১ চনৰ লোকপিয়ল অনুসৰি অসমত ১৮ বছৰ সম্পূৰ্ণ কৰাৰ পূৰ্বে ২.৬ লাখ বাল্য বিবাহপাশত আবদ্ধ হৈছে৷ যাৰ বাবে বাল্যবিবাহৰ ক্ষেত্ৰত দেশৰ শীৰ্ষ ১৫ খন ৰাজ্যৰ ভিতৰত অসমে স্থান লাভ কৰে৷ এই সন্দৰ্ভত শান্তিৰ নোবেল বটাঁ বিজয়ী কৈলাশ সত্যাৰ্থীৰ শিশু ফাউণ্ডেশ্যনে গুৱাহাটীত তেওঁলোকৰ আগন্তুক ‘শিশু বিবাহমুক্ত ভাৰত’ অভিযানৰ কথা ঘোষণা কৰে৷ শিশু সুৰক্ষাৰ ক্ষেত্ৰখনত কাম কৰি থকা সকলো অনুষ্ঠান-প্ৰতিষ্ঠানক একত্ৰিত কৰি বাল্য বিবাহমুক্ত ভাৰতৰ সপোন বাস্তৱ কৰিবলৈ অনুষ্ঠিত হোৱা ৰাজ্যিক পৰ্যায়ৰ আলোচনা-চক্ৰত এই কথা প্ৰকাশ  কৰা হৈছে ৷ 
কৈলাশ সত্যাৰ্থী শিশু ফাউণ্ডেশ্যনে অসম ৰাজ্যিক শিশু সুৰক্ষা সমিতিৰ সহযোগিতাত এই আলোচনা-চক্ৰখন অনুষ্ঠিত কৰে৷ ভাৰতক বাল্য বিবাহমুক্ত কৰাৰ বাবে সমগ্ৰ দেশজুৰি এক বহনক্ষম অভিযানৰ বাবে শেহতীয়াকৈ কৈলাশ সত্যৰ্থীয়ে আহ্বান জনোৱাৰ পিছতে কৈলাশ সত্যাৰ্থী শিশু ফাউণ্ডেশ্যনে দেশজোৰা আলোচনা আৰম্ভ কৰে৷ ইয়াৰ উপৰি সমগ্ৰ দেশতে জিলা পৰ্যায়ত শিশু বিবাহ প্ৰতিৰোধ বিষয়া নিযুক্তি আৰু চৰকাৰী বিষয়াসকলক পৰ্যাপ্ত আৰু উপযুক্ত প্ৰশিক্ষণ প্ৰদান তথা অভিভাৱকসকলৰ বাবে সজাগতা সৃষ্টিৰ বিষয়তো গুৰুত্বসহকাৰে আলোচনা কৰা হয়৷  আলোচনা চক্ৰখনত অসম ৰাজ্যিক আইনী সেৱা প্ৰাধিকৰণৰ সদস্য-সচিব এন বৰুৱা, আৰ পি এফৰ আই জি প্ৰমোদ কুমাৰ, উমহিলা আৰু শিশু বিভাগৰ উপ-সঞ্চালক  বিনজুমণি দাস, চি ডব্লিউ চিৰ অধ্যক্ষ জিতু দত্ত, এ এছ এল এছ এৰ উপ-সচিব আৰ ব্ৰহ্ম, ডব্লিউ চি ডি-চি আই ডিৰ উপ-সঞ্চালক, গ’ল্ড গ্ল’বেল অৰ্গেনাইজেশ্যন ফৰ লাইফ ডেভেলপমেণ্টৰ প্ৰতিষ্ঠাপক স্মৃতিৰেখা বৰা, ৰাজীৱ শৰ্মা আৰু কে এছ চি এফৰ  পকছ’ৰ কাৰ্যবাহী সঞ্চালক কে চি জৰ্জ উপস্থিত আছিল৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...