Home Daily news ক’ল ইণ্ডিয়াই কিয় কয়লা আমদানি কৰিব

ক’ল ইণ্ডিয়াই কিয় কয়লা আমদানি কৰিব

কয়লাৰ নাটনিৰ কাৰণে ভাৰতত বিদ্যুৎ কৰ্তনৰ নতুন আশংকাৰ সৃষ্টি হৈছে৷ তাপ বিদ্যুৎ প্ৰকল্পসমূহৰ ব্যৱহাৰৰ বাবে বিশ্বৰ বৃহত্তম কয়লা খনন কোম্পানী চৰকাৰী ক’ল ইণ্ডিয়া লিমিটেডে কয়লা আমদানি কৰিব৷ কেন্দ্ৰীয় শক্তি মন্ত্ৰ্যালয়ৰ এখন চিঠিৰ পৰা এই কথা জানিব পৰা গৈছে৷ 
উল্লেখ্য যে ২০১৫ চনৰ পাছত প্ৰথমবাৰৰ বাবে ক’ল ইণ্ডিয়াই কয়লা আমদানি কৰিব৷ যোৱা এপ্ৰিল মাহত ভাৰতত ছবছৰৰ ভিতৰত আটাইতকৈ বেছি বিদ্যুৎ কৰ্তন কৰিবলগীয়া হৈছিল কয়লাৰ নাটনিৰ কাৰণে৷ তাৰ পুনৰাবৃত্তি এৰাই চলিবলৈ কেন্দ্ৰীয় আৰু ৰাজ্য চৰকাৰসমূহৰ বিষয়াসকলে প্ৰচেষ্টা চলাইছে৷ 
শক্তি মন্ত্ৰ্যালয়ে সকলো তাপ বিদ্যুৎ উৎপাদন প্ৰকল্প, কয়লা সচিব আৰু ক’ল ইণ্ডিয়াৰ অধ্যক্ষকে ধৰি কেন্দ্ৰীয় আৰু ৰাজ্য চৰকাৰসমূহৰ শক্তি বিভাগৰ সকলো শীৰ্ষ বিষয়ালৈ দিয়া এখন চিঠিত বিদ্যুতৰ চাহিদাৰ সম্ভাব্য বৃদ্ধিৰ বিষয়টো আঙুলিয়াই দিয়ে৷ 
গৰমৰ কাৰণে বিদ্যুতৰ চাহিদা ক্ৰমাৎ বৃদ্ধি পাইছে আৰু তাৰ বিপৰীতে কয়লাৰ নাটনি হৈছে৷ চেণ্টাৰ ফৰ ৰিছাৰ্চ অন এনাৰ্জি এণ্ড ক্লীন এয়াৰে জুলাই আৰু আগষ্টত বিদ্যুতৰ আন এটা সংকটে দেখা দিব বুলি প্ৰকাশ কৰিছে৷ এই দুটা মাহত বিদ্যুতৰ চাহিদা যথেষ্ট বাঢ়িব বুলি ভাৰতৰ কেন্দ্ৰীয় বিদ্যুৎ কতৃৰ্পক্ষয়ো ভৱিষ্যদ্বাণী কৰিছে৷ 
উল্লেখ্য যে শক্তি মন্ত্ৰ্যালয়ৰ এটা অভ্যন্তৰীণ মূল্যায়ন মতে, ভাৰতত জুলাইৰ পৰা ছেপ্টেম্বৰলৈ তিনি মাহত শক্তিৰ চাহিদা এতিয়াতকৈ বৃদ্ধি পাব আৰু তাৰ কাৰণে দেশখনত সেই সময়ছোৱাত কয়লাৰ ব্যাপক নাটনি হোৱাৰ আশংকাই দেখা দিছে৷ সেইটো হ’লে ব্যাপক বিদ্যুৎ কৰ্তন কৰিবলগীয়া হ’ব আৰু পৰিস্থিতি অধিক শোচনীয় হৈ পৰিব৷ জুলাই-ছেপ্টেম্বৰৰ ভিতৰত কয়লাৰ যোগান চাহিদাৰ তুলনাত ৪২.প্ত মিলিয়ন টন কমাৰ সম্ভাৱনা আছে, পূৰ্বতে অনুমান কৰাতকৈ ১৫ শতাংশ বেছি৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,