Home Diet Plus কঁঠাল অকল সুমিষ্টই নহয় আছে ইয়াৰ বহু উপকাৰিতা

কঁঠাল অকল সুমিষ্টই নহয় আছে ইয়াৰ বহু উপকাৰিতা

গৰমকালি পোৱা আম, জাম, লিচু আদি ফলবোৰৰ ভিতৰত কঁঠালো অন্যতম৷ সাধাৰণতে বাৰী, জংঘল আদি পোৱা গছডালৰ ফল অসংখ্য পোৱা যায়৷ অতি সোৱাদযুক্ত, মিঠা কঁঠাল সকলোৰে প্ৰিয় এবিধ ফল৷ কঁঠালক কোঁহৰ লগতে ইয়াৰ গুটি অতি সোৱাদযুক্ত আৰু আমাৰ শৰীৰৰ বাবে অত্যন্ত উপকাৰী৷ কঁঠালত প্ৰচুৰ পৰিমাণে ভিটামিন-এ, ভিটামিন-চি, মেগনেচিয়াম, পটাচিয়াম, কপাৰ, মেংগানিজ, এণ্টিঅক্সিডেণ্টৰ দৰে উপকাৰী উপাদান পোৱা যায়, যিয়ে স্বাস্থ্যৰক্ষাৰ বাবে অতি উপকাৰী৷ কেঁচা বা পকা দুইধৰণে কঁঠাল খোৱা হয়৷ কঁঠালৰ সামান্য পৰিমাণে শৰ্কৰাৰ মাত্ৰা থাকিলেও একেবাৰে ক্ষতিকাৰক আন উপাদান নাথাকে৷ ছালৰ সুৰক্ষাৰ বাবে কঁঠালৰ গুটি অত্যন্ত জৰকাৰী৷ ছাল আৰু চুলিৰ যত্নৰ বাবে কঁঠাল লাগতিয়াল ফল৷ মুখত বলিৰেখা পৰা  পৰিত্ৰাণ পাবলৈ কঁঠালৰ গুটি খালে সুফল পোৱা যায়৷ কঁঠাল ফাইটোনিউট্ৰিয়েণ্টছ আলচাৰ, কেঞ্চাৰৰ দৰে মাৰাত্মক ৰোগ নিৰাময়ৰ বাবে খুব উপকাৰী৷ কঠালত থকা এণ্টিঅক্সিডেণ্টে দেহক ক্ষতিকাৰক ফ্ৰি ৰেডিকেলৰ পৰা ৰক্ষা কৰে৷ ইয়াৰ লগতে চৰ্দি, কাহ আদিৰ সংক্ৰমণৰ পৰা কঁঠালে শৰীৰটোক সুৰক্ষা দিয়ে৷ কঁঠালত প্ৰচুৰ পৰিমাণে ভিটামিন-ও পোৱা যায়, যিয়ে কুকুৰীকণা ৰোগ নিৰাময় কৰে৷ কঁঠাল ফাইবাৰযুক্ত হোৱা হেতুকে কোষ্ঠকাঠিন্য দূৰ কৰি হজম শক্তি উন্নত কৰে৷ তদুপৰি ইয়াৰ চৰ্বি বা ফেট কম থাকে বাবে শৰীৰৰ ওজন হ্ৰাস কৰা সহায় কৰে৷ কঁঠালত থকা মেগনেচিয়াম, কেলচিয়াম, খনিজ লৱণ আদি পোৱা যায়, যিয়ে হাড় মজবুত আৰু শক্তিশালী কৰাত সহায় কৰে৷ সন্তান জন্ম দিয়াৰ পাছত দুগ্ধ প্ৰদানকাৰী মাতৃয়ে কঁঠাল খালে গাখীৰৰ পৰিমাণ বাঢ়ে৷  কঁঠালত খনিজ উাপাদন আইৰন থাকে, যিয়ে ৰক্তহীনতা দূৰ কৰি শৰীৰৰ তেজৰ অভাৱ পূৰ কৰে৷ টেনশ্যন আৰু নাৰ্ভাছ হোৱা সমস্যা নিৰাময়ৰ বাবে কঁঠাল বেছ কাৰ্যকৰী ফল৷ কঁঠালে শৰীৰৰ ৰোগ প্ৰতিৰোধ ক্ষমতা উন্নত কৰি বিভিন্ন ৰোগৰ পৰা শৰীৰটোৰ সুৰক্ষা দিয়ে৷ কঁঠাল শক্তি প্ৰদানকাৰী এবিধ ফল, যিয়ে শৰীৰটোক সুস্থ-সবল কৰি ৰখাত সহায় কৰে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...