Home Daily news এবাৰ ব্যৱহৃত প্লাষ্টিক সম্পৰ্কে ছিপেটত সজাগতা কাৰ্যসূচী

এবাৰ ব্যৱহৃত প্লাষ্টিক সম্পৰ্কে ছিপেটত সজাগতা কাৰ্যসূচী

চেণ্ট্ৰেল ইনষ্টিটিউট অব্‌ পেট্ৰ’কেমিকেল্‌ছ ইঞ্জিনিয়াৰিং এণ্ড টেকন’লজি (চি আই পি ই টি অৰ্থাৎ ছিপেট) আৰু চেণ্টাৰ ফৰ স্কিলিং এণ্ড টেকনিকেল ছাপ’ৰ্ট (চি এছ টি এছ), গুৱাহাটীয়ে ইয়াৰ চাংসাৰিস্থিত ‘ছিপেট’ৰ প্ৰতিষ্ঠানত ‘এবাৰ ব্যৱহৃত প্লাষ্টিক’ (ছিংগল ইউজ্‌ড প্লাষ্টিক্‌ছ অৰ্থাৎ এছ ইউ পি) সম্পৰ্কে এখন সজাগতা কাৰ্যসূচীৰ আয়োজন কৰে৷ কাৰ্যসূচীত বৰপেটাৰ কেন্দ্ৰীয় বিদ্যালয়ৰ অধ্যক্ষসহ ২৫গৰাকী শিক্ষক আৰু ১৫৯গৰাকী ছাত্ৰ-ছাত্ৰীয়ে অংশ লয়৷ ‘এবাৰ ব্যৱহৃত প্লাষ্টিক আৰু ইয়াৰ ব্যৱস্থাপনা’ শীৰ্ষক বিষয়বস্তুক সামৰি ‘ছিপেট’ৰ সঞ্চালক আৰু মুৰব্বী সঞ্জয় কুমাৰ চৌধাৰীয়ে অংশগ্ৰহণকাৰীসকলক উদ্দেশ্যি বক্তব্য আগবঢ়ায়৷ অনুষ্ঠানত উপস্থিত থাকি প্ৰশিক্ষণ বিভাগৰ মুৰব্বী ড॰ হৰেকৃষ্ণ ডেকাই কেৰিয়াৰ হিচাপে পলিমাৰ ইঞ্জিনিয়াৰিং বিষয় অধ্যয়নৰ সুযোগ গ্ৰহণ কৰিবলৈ আহবান জনোৱাৰ লগতে পলিমাৰ উদ্যোগৰ বিকাশত ‘ছিপেট’ৰ ভূমিকা সম্পৰ্কে ব্যাখ্যা আগবঢ়ায়৷ অনুষ্ঠানত প্ৰতিষ্ঠানখনৰ ট্ৰেইনিং ক’অৰ্ডিনেটৰ প্ৰাঞ্জল গোস্বামীয়ে ছিপেট গুৱাহাটীত থকা সুবিধাসমূহৰ বিতং ব্যাখ্যা আগবঢ়ায়৷ গোস্বামীয়ে ছাত্ৰ-ছাত্ৰীসকলক ম’ল্ড মেনুফেক্‌চাৰিং টেক্‌নিক, প্লাষ্টিকেৰে তৈয়াৰী সামগ্ৰীৰ প্ৰছেছিং আৰু টেষ্টিঙৰ প্ৰায়োগিক কৌশল সম্পৰ্কীয় দিশসমূহ ফঁহিয়াই দেখুৱাই দিয়ে৷ কেন্দ্ৰীয় বিদ্যালয়, বৰপেটাৰ অধ্যক্ষ কুঞ্জলোচন পাঠকে প্লাষ্টিক ৱেষ্ট মেনেজমেণ্ট পদ্ধতিৰ প্ৰতি গুৰুত্ব আৰোপ কৰি ছিপেট গুৱাহাটীয়ে ছাত্ৰ-ছাত্ৰীৰ বাবে আয়োজন কৰা সজাগতা কাৰ্যসূচীৰ শলাগ লয়৷

Most Popular

জিভাখন চাফা নকৰিলেকি কি ৰোগ হ’ব পাৰে

আমাৰ শৰীৰৰ অত্যন্ত প্ৰয়োজনীয় অংগৰ ভিতৰত জিভাখন অন্যতম৷ কিন্তু শৰীৰৰ আন অংগৰ সমান্তৰালভাৱে জিভাখনৰ যত্নত আওকাণ কৰা দেখা...

সাৱধান ! বিশ্বজুৰি ভয়ংকৰভাৱে বৃদ্ধি পাইছে বায়ু প্ৰদূষণ

বিশ্বজুৰি ভয়াৱহভাৱে বৃদ্ধি পাইছে বায়ু প্ৰদূষণৰ মাত্ৰা৷ এই বায়ু প্ৰদূষণৰ ফলতে বছৰি লাখ লাখ লোকে প্ৰাণ হেৰুৱাবলগীয়া হৈছে৷ আনহাতে গোলকীয় উষ্ণতা বৃদ্ধিৰ...

ভাৰতীয় কফ ছিৰাপৰ বিৰুদ্ধেWHO-ৰ সতৰ্কীকৰণ

বিশ্ব স্বাস্থ্য সংস্থা চমুকৈ ডব্লিউ এইচ অ’-ই পৰামৰ্শ দিছে যে নয়দা-ভিত্তিক মেৰিয়ন বায়’টেক কোম্পানীয়ে প্ৰস্তুত কৰা দুটা কফ ছিৰাপ উজবেকিস্তানত শিশুসকলৰ বাবে...

প্ৰস্ৰাৱৰ এইধৰণৰ সমস্যাবোৰে বুজাই দিয়েকিডনীজনিত বিকাৰৰ কথা

শৰীৰক সুস্থ ৰখাত কিডনীৰ ভূমিকা গুৰুত্বপূৰ্ণ৷ সেয়ে কিডনীৰ সুস্থতা অতি জৰুৰী৷ কিডনীৰ সমস্যা হ’লে প্ৰথমে ধৰা নপৰে৷ প্ৰায় ৮০-৯০ শতাংশ কিডনী ক্ষতিগ্ৰস্ত...