Home Beauty Plus এইবোৰ সহজাত অভ্যাসৰ বাবেঅজান্তিতেই চকুৰ ক্ষতি হ’ব পাৰে

এইবোৰ সহজাত অভ্যাসৰ বাবেঅজান্তিতেই চকুৰ ক্ষতি হ’ব পাৰে


শৰীৰৰ প্ৰতিটো অংগৰে সঠিক মতে যত্ন লোৱা প্ৰায়োজন৷ কিন্তু বহুতৰে কৰ্মব্যস্ত জীৱনত প্ৰত্যেক অংগৰে যত্ন ভালদৰে লোৱা নহয়৷ দিনটো বেছিভাগ সময় ফোন অথবা লেপটুৰ সন্মুখত বহি অফিচৰ কাম কৰিবলগীয়া হয়৷ ইয়াৰ ফলত চকুযুৰিৰ ওপৰত বেয়া প্ৰভাৱ পৰে৷ দীৰ্ঘ সময় ধৰি ফোন বা কম্পিউটাৰৰ স্ক্ৰিনৰ সন্মুখত বহি থকাৰ ফলত চকুৰ জ্বলন, চকুৰ পানী ওলোৱা, চকুৰ বিষ, চকুৰ দৃষ্টিশক্তি কমি যোৱা আদি উপসৰ্গবোৰে দেখা দিয়ে৷ ইয়াৰ বাহিৰেও নিজৰ অজানিতে বিভিন্ন অভ্যাসৰ বাবে আমাৰ চকুৰ যথেষ্ট ক্ষতি হয়৷
সাধাৰণতে ধাৰণা কৰা হয় যে গৰম পানীৰে মুখ ধুলে মুখ পৰিষ্কাৰ হয়৷ সেয়েহে মুখত ধোৱা সময়ত বহুতেই গৰম পানী ব্যৱহাৰ কৰে৷ কিন্তু চকু বিশেষজ্ঞৰ মতে এই অভ্যাসে চকুৰ ক্ষতি সাধন কৰে৷ সাধাৰণ তাপমাত্ৰাৰ পানী চকুৰ বাবে উত্তম বুলি ধৰা হয়৷ গৰম পানীৰে চকু ধুলে চকুৰ অনিষ্ট হোৱাৰ সম্ভাৱনাই বেছি থাকে৷
চকুৰ পলক নেফেলাই এক দৃষ্টিৰে চাই থকাটো চকুৰ বাবে হানিকাৰক৷ আপুনি যিকোনো বস্তু এক দৃষ্টিৰে চাই থকাৰ ফলত চকু ওপৰত অত্যধিক চাপ পৰে৷ সেয়ে এই অভ্যাস ত্যাগ কৰক৷
চকুযুৰিৰ আকৰ্ষণ বঢ়াবলৈ বহুতেই নানাধৰণৰ প্ৰসাধন ব্যৱহাৰ কৰা দেখা যায়৷ চকুত কৃত্ৰিম প্ৰসাধনে চকুৰ সমস্যাৰ সৃষ্টি কৰিব পাৰে৷ এইধৰণৰ প্ৰসাধন ব্যৱহাৰ কৰিলে বেছি সময়ধৰি চকুত ৰাখি থ’ব নালাগে৷ চকু মেকআপ কৰাৰ পাছত ভালদৰে তুলি দিব লাগে লগতে অত্যন্ত সাৱধানেৰে চকুৰ পৰিষ্কাৰ কৰি দিয়াটো জৰুৰী৷
চকুৰ কেতিয়াবা অসুবিধা বা চকুত কিবা পৰিলে তৎক্ষণাৎ হাতেৰে মোহাৰি দিওঁ৷ এই কাম কেতিয়াও কৰিব নালাগে৷ হাত যদি অপৰিষ্কাৰ থাকে সেই হাতেৰে চকু মোহাৰিব নালাগে৷ তাৰ পৰা সংক্ৰমণ হোৱাৰ অতি সম্ভাৱনা থাকে৷ প্ৰথমে হাতখন পৰিষ্কাৰ কৰি লৈহে চকু মোহৰা উচিত৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...