Home Daily news উৎকট গৰমে দহিছে ৰাজ্যবাসীক

উৎকট গৰমে দহিছে ৰাজ্যবাসীক

উৎকট গৰমে দহিছে ৰাজ্যবাসীক৷ জলবায়ু পৰিৱৰ্তনৰ পৰিণতিত গোলকীয় উষ্ণতাৰ বিৰূপ প্ৰভাৱ ৰাজ্যৰ লগতে গুৱাহাটী মহানগৰতো পৰিছে৷ গৰমৰ পৰা হাত সাৰিবলৈ সৰুৰ পৰা ডাঙৰলৈকে সকলোৱেই শীতল পানীয়, কুঁহিয়াৰৰ ৰস, নেমু চৰবত, তেঁতেলী টেঙা আদিৰ বিপণীত ভিৰ কৰিছে৷ বতৰ বিজ্ঞান কেন্দ্ৰৰ মতে চলিত মাহৰ আৰম্ভণিতে উষ্ণতাই অভিলেখ সৃষ্টি কৰিছে৷ 
বৰঝাৰস্থিত বতৰ বিজ্ঞান কেন্দ্ৰৰ তথ্য অনুসৰি ৫ জুলাইত সৰ্বোচ্চ তাপমাত্ৰা আছিল ৩৭.৮ ডিগ্ৰী চেলছিয়াছ৷ জুলাই মাহত ৰেকৰ্ড হোৱা এয়া হৈছে তৃতীয় সৰ্বোচ্চ  তাপমাত্ৰা৷ ইয়াৰ পূৰ্বে ২০১৭ বৰ্ষৰ ১৮ জুলাইত উষ্ণতা সৰ্বোচ্চ  ৩৮.৪ ডিগ্ৰী চেলছিয়াছলৈ বৃদ্ধি পাইছিল৷ সেইদৰে ২০১৮ বৰ্ষৰ ২০ জুলাইত উষ্ণতা আছিল সৰ্বোচ্চ ৩৮ ডিগ্ৰী চেলছিয়াছ৷ 
ৰাজ্য তথা মহানগৰত বৃদ্ধি পোৱা প্ৰদূষণৰ বাবেই ক্ৰমান্বয়ে তাপমাত্ৰা বৃদ্ধি পাইছে৷ যাৰ বাবে বিশেষকৈ মহানগৰবাসীয়ে সমস্যাত দিন পাৰ কৰিবলগীয়া হৈছে৷ মানুহৰ প্ৰয়োজনীয়তা বৃদ্ধিৰ লগে লগে মহানগৰত বহুতো লোকে পাহাৰ-ভৈয়ামৰ গছ-গছনি কাটি তহিলং কৰি অট্টালিকা সজাত ব্যস্ত হৈ পৰিছে৷ লগতে বৰ্ধিত যান-বাহনৰ সংখ্যাই প্ৰদূষণৰ মাত্ৰা বৃদ্ধি কৰিছে৷ 
মহানগৰৰ চৌদিশে এতিয়া গছ-গছনিৰ পৰিৱৰ্তে কেৱল সুউচ্চ অট্টালিকাহে দেখা যায়৷ যাৰ বাবে মহানগৰত দিনক দিনে তাপমাত্ৰাৰ পৰিমাণ বৃদ্ধি পাইছে৷ আনহাতে গৰমৰ মাত্ৰা বৃদ্ধিৰ লগে লগেই সঘনাই বিদ্যুৎ কৰ্তনৰ ফলত মহানগৰৰ নাগৰিকে দুৰ্ভোগ ভুগিব লগা হৈছে৷ 
উল্লেখ্য যে গুৱাহাটীখনক সেউজীয়াকৰণৰ বাবে বন বিভাগে ভিন্ন আঁচনি লৈছে যদিও আজিলৈকে কোনো বিশেষ পদক্ষেপ গ্ৰহণ কৰা নাই৷ পৰিৱৰ্তে মহানগৰৰ পথৰ মাজত আৰু কাষত থকা গছবোৰ কাটি তহিলং কৰাহে দেখা গৈছে৷ 
সেয়ে পৰিৱেশ সংৰক্ষণৰ ক্ষেত্ৰত চৰকাৰে কি ব্যৱস্থা গ্ৰহণ কৰি তাপমাত্ৰা হ্ৰাস কৰাত বিশেষ ভূমিকা পালন কৰে, সেইটোহে লক্ষণীয় হ’ব৷ এইদৰে পাৰাস্তম্ভৰ উষ্ণতা দিনক দিনে বৃদ্ধি পাই থাকিলে অনাগত দিনত মানুহে বিভিন্ন ৰোগৰ দ্বাৰা আক্ৰান্ত হোৱাৰ সম্ভাৱনা আছে৷ বিশেষকৈ জ্বৰ-কাহ, গ্ৰহণী আদিৰ দৰে সমস্যাই দেখা দিব পাৰে৷ সেয়েহে অত্যন্ত লাগতিয়াল কাম নাথাকিলে প্ৰখৰ ৰ’দৰ ঘৰ থকাটোৱে বাঞ্ছনীয়৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...