Home Daily news উদ্বেগজনক তথ্য : মূল্যবৃদ্ধিৰ ক্ষেত্ৰত দেশৰ দ্বিতীয় স্থানত অসম

উদ্বেগজনক তথ্য : মূল্যবৃদ্ধিৰ ক্ষেত্ৰত দেশৰ দ্বিতীয় স্থানত অসম

ৰাজ্যত এতিয়া বয়-বস্তুকে ধৰি সকলো সামগ্ৰীৰে মূল্যবৃদ্ধিয়ে সৰ্বসাধাৰণ ৰাইজক কোঙা কৰি পেলাইছে৷ সকলো অত্যাৱশ্যকীয় সামগ্ৰীৰ নিতৌ হৈ থকা মূল্যবৃদ্ধিয়ে জীয়াই থকাতেই বাধাৰ সন্মুখীন কৰাইছে৷
 এচাম সুবিধাবাদীৰ স্বাৰ্থত এইদৰে হোৱা মূল্যবৃদ্ধিয়ে ৰাজ্য-কেন্দ্ৰীয় চৰকাৰকো টলাব পৰা নাই৷ যাৰ ফলত দৈনন্দিন জীৱন-ধাৰণত সমস্যাৰ মুখামুখি হ’বলগীয়াত পৰিছে সৰ্বসাধাৰণ ৰাইজে৷
 বিশ্বৰ বজাৰত মূল্যবৃদ্ধিয়ে সৰ্বসাধাৰণ ৰাইজক জুৰুলা কৰাৰ সময়তে অসমত মুদ্ৰাস্ফীতিয়ে অভিলেখৰ সৃষ্টি কৰিছে৷ কেন্দ্ৰীয় পৰিসংখ্যা আৰু আঁচনি ৰূপায়ণ মন্ত্ৰ্যালয়ৰ অধীনত ৰাষ্ট্ৰীয় পৰিসংখ্যাগত কাৰ্যালয়ে শেহতীয়াভাৱে  মুদ্ৰাস্ফীতি সন্দৰ্ভত প্ৰকাশ কৰা এক প্ৰতিবেদনত দেশৰ ভিতৰতে সৰ্বাধিক নিত্য প্ৰয়োজনীয় সা-সামগ্ৰীৰ মূল্যবৃদ্ধি ঘটা ৰাজ্যসমূহৰ ভিতৰত অসমে দ্বিতীয় স্থান দখল কৰিছে৷
 উল্লেখ্য যে সৰ্বাধিক মুদ্ৰাস্ফীতিৰ হাৰ থকা ৰাজ্যখন হৈছে পশ্চিম বংগ৷ অতি উদ্বেগজনক বিষয় এই যে অসমৰ চহৰ অঞ্চলৰ তুলনাত গাঁও অঞ্চলত মুদ্ৰাস্ফীতিৰ হাৰ অভাৱনীয়ভাৱে বেছি৷ 
অসমত চহৰাঞ্চলত মুদ্ৰাস্ফীতিৰ হাৰ ৫.৪৬ শতাংশ, আনহাতে গ্ৰামাঞ্চলত মুদ্ৰাস্ফীতিৰ হাৰ হৈছে ৮.৮৫ শতাংশ৷ মন কৰিবলগীয়া কথা যে চহৰাঞ্চলতকৈ গ্ৰামাঞ্চলতেই সৰহসংখ্যক লোকে বাস কৰে৷ পিছে গ্ৰামাঞ্চলত মূল্যবৃদ্ধিৰ অতিৰিক্ত বোজাই ৰাজ্যৰ অৰ্থনীতিৰ বিৰূপ প্ৰভাৱ পেলাব বুলি সচেতন মহলে উদ্বেগ প্ৰকাশ কৰিছে৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...