Home Daily news ‘ইজ অব্‌ ডুয়িং বিজনেছ ইন আছাম’ প’ৰ্টেলৰ বাবে অসম চৰকাৰলৈ স্বীকৃতি

‘ইজ অব্‌ ডুয়িং বিজনেছ ইন আছাম’ প’ৰ্টেলৰ বাবে অসম চৰকাৰলৈ স্বীকৃতি

‘ইজ অব্‌ ডুয়িং বিজনেছ ইন আছাম’ প’ৰ্টেলৰ বাবে ৰাষ্ট্ৰীয় স্তৰত স্বীকৃতি লাভ কৰিবলৈ সক্ষম হৈছে অসম চৰকাৰে৷ অৰ্থনৈতিক ক্ষেত্ৰৰ সংবাদসেৱাৰে জড়িত দেশৰ অগ্ৰণী সংবাদ পত্ৰ দ্য ইক’নমিক্স টাইমছৰ উদ্যোগত নতুন দিল্লীত আয়োজিত তৃতীয় ডিজিটেক কনক্লেভ-২০২২-ত অসমৰ এই প’ৰ্টেলটোক বছৰটোৰ শ্ৰেষ্ঠ ইজ অব্‌ ডুয়িং বিজনেছ প’ৰ্টেলৰ স্বীকৃতিৰে অসম চৰকাৰক সম্বৰ্ধনা জনোৱা হয়৷ নতুন দিল্লীৰ লা মেৰিডিয়ান হোটেলত আয়োজিত এই ডিজিটেক কনক্লেভত অসমৰ মুখ্যমন্ত্ৰীৰ হৈ ৰাজ্যৰ তথ্য প্ৰযুক্তি মন্ত্ৰী কেশৱ মহন্তই এই আনুষ্ঠানিক সম্বৰ্ধনা গ্ৰহণ কৰে৷ 
কেইবাখনো ৰাজ্যৰ মন্ত্ৰী, বিদেশী কূটনীতিবিদ, ৰাষ্ট্ৰীয়-আন্তঃৰাষ্ট্ৰীয় প্ৰযুক্তি ক্ষেত্ৰ আৰু দেশৰ নীতি নিৰূপণ প্ৰক্ৰিয়াৰে জড়িত ভালেকেইগৰাকী বিশিষ্ট লোকে অংশগ্ৰহণ কৰা দ্য ইক’নমিক্স টাইমছ কাকতৰ কনক্লেভত এই সন্মান গ্ৰহণ কৰি মহন্তই অসমত উদ্যোগ আৰু বাণিজ্যৰ দ্ৰুত প্ৰসাৰৰ জৰিয়তে ৰাজ্যখনত বহনক্ষম উন্নয়নৰ গতি ত্বৰান্বিত কৰাত মুখ্যমন্ত্ৰী ড॰ হিমন্ত বিশ্ব শৰ্মাৰ নেতৃত্বত অসম চৰকাৰে বিশেষ অগ্ৰাধিকাৰ প্ৰদান কৰাৰ বিষয়ে উল্লেখ কৰে৷ অসমত ব্যৱসায়-বাণিজ্য তথা ঔদ্যোগিক পদক্ষেপ গ্ৰহণৰ ক্ষেত্ৰত সহায়ক হোৱাকৈ  অসম চৰকাৰে ইয়াৰ প্ৰতিটো গুৰুত্বপূৰ্ণ বিভাগৰ সেৱাকে একেখন ডিজিটেল মঞ্চৰ পৰাই পাব পৰাকৈ ইজ অব্‌ ডুয়িং বিজনেছ ইন আছাম প’ৰ্টেল মুকলি কৰা বুলি তেওঁ দোহাৰে৷ তথ্য-প্ৰযুক্তিৰে চৰকাৰৰ প্ৰশাসনিক সেৱা প্ৰদানৰ ব্যৱস্থাক সমন্বিত কৰি বিকশিত কৰা এই প’ৰ্টেলে ৰাজ্যখনত বহনক্ষম, সৰ্বাংগীণ অৰ্থনৈতিক বিকাশৰ পথ প্ৰশস্ত কৰিব বুলিও মন্ত্ৰী মহন্তই দোহাৰে৷

Most Popular

চাহৰ সৈতে বিস্কুট কিমান স্বাস্থ্যকৰ ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

চাহৰ সৈতে বিস্কুটকিমান স্বাস্থ্যকৰ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...