Home Daily news আৰ্ছেনিকযুক্ত পানীৰে শ শ পৰিয়ালৰ তৃষ্ণা নিবাৰণ

আৰ্ছেনিকযুক্ত পানীৰে শ শ পৰিয়ালৰ তৃষ্ণা নিবাৰণ

কেন্দ্ৰীয় চৰকাৰৰ জলজীৱন আঁচনিৰ জৰিয়তে ২০২৪ চনৰ ভিতৰত সমগ্ৰ দেশতে ঘৰে ঘৰে পানী যোগান ধৰা হ’ব বুলি ঘোষণা কৰাৰ সময়তে ৰাজ্য চৰকাৰৰ জনস্বাস্থ্য কাৰিকৰী বিভাগৰ পানী যোগানৰ নামত হোৱা ব্যাপক অনিয়মৰ কথা পোহৰলৈ আহিছে৷ নলবাৰী জিলাৰ নলবাৰী সংমণ্ডলৰ অধীনত বহু লাখটকীয়া বানেকুছি-বৰনগৰ পানী যোগান আঁচনিখন ৰূপায়ণত ব্যাপক অনিয়ম সংঘটিত হোৱাৰ খবৰ পোৱা গৈছে৷ যাৰ ফলত ৰাইজৰ মাজত ব্যাপক প্ৰতিক্ৰিয়াৰ সৃষ্টি হৈছে৷ অভিযোগ অনুসৰি জলজীৱন মিছন আঁচনিৰ অধীনত মেচিন গৃহ, পানী উত্তোলন কক্ষ আদি নিৰ্মাণ কৰিছে যদিও আজিলৈকে কিন্তু আঁচনিখনৰ অধীনৰ অঞ্চলসমূহলৈ পানীৰ পাইপ সংযোগ হোৱা নাই৷  উল্লেখ্য যে জলজীৱন মিছন আঁচনিৰ অধীনত সকলো পৰিয়ালে বিশুদ্ধ পানী লাভ কৰিব বুলি চৰকাৰে ঘোষণা কৰি অহাৰ পাছতো উক্ত অঞ্চলত আঁচনিখনে এনে  অৱস্থাই ৰাইজক দুৰ্ভোগ ভগাই আহিছে৷ উক্ত আঁচনিখন আজিলৈকে কাৰ্যক্ষম হৈ নুঠাত ৪০নং দক্ষিণ নতুন দেহৰ গাঁও পঞ্চায়তৰ অন্তৰ্গত বানেকুছি, বৰনগৰ, শিলাকুটি, ভতপাৰা, আমতল আদি অঞ্চলসমূহৰ শ শ পৰিয়ালে এটুপি বিশুদ্ধ খোৱাপানীৰ নামত হাহাকাৰ কৰিবলগীয়া হৈছে৷ উপৰিউক্ত অঞ্চলসমূহৰ ৰাইজে দমকলৰ অত্যধিক আইৰনযুক্ত আৰ্ছেনিক মিহলি পানী বা পুখুৰী-খালৰ দূষিত পানীকে সেৱন কৰিবলগীয়া পৰিস্থিতিৰ সৃষ্টি হৈছে৷ ইয়াৰ ফলত বিভিন্ন ৰোগৰ প্ৰাদুৰ্ভাৱে দেখা দিয়াও পৰিলক্ষিত হৈছে৷ সেয়েহে ৰাইজে অতি সোনকালে জলজীৱন মিছন আঁচনিৰ জৰিয়তে বিশুদ্ধ পানী যোগান ধৰিবলৈ চৰকাৰক অনুৰোধ জনাইছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...