Home Daily news আশাৰ সঞ্চাৰ কৰিছে যোৰহাট কেঞ্চাৰ হাস্পতালে

আশাৰ সঞ্চাৰ কৰিছে যোৰহাট কেঞ্চাৰ হাস্পতালে

ৰাজ্যৰ চিকিৎসা ক্ষেত্ৰলৈ যুগান্তৰকাৰী পৰিৱৰ্তনৰ প্ৰতিশ্ৰুতিৰে টাটা গ্ৰুপ আৰু ৰাজ্য চৰকাৰৰ যৌথ প্ৰচেষ্টাত আৰম্ভ হোৱা ৭খন কেঞ্চাৰ হাস্পতালৰ অন্যতম যোৰহাট কেঞ্চাৰ হাস্পতালত ৰোগীৰ ভিৰ পৰিলক্ষিত হৈছে৷ 
দূৰলৈ নোযোৱাকৈ ঠাইতে কেঞ্চাৰৰ চিকিৎসা আৰু পৰামৰ্শ সহজলভ্য হৈ পৰা গোলাঘাট, মাজুলী, তিতাবৰ, দেৰগাঁও, শিৱসাগৰকে ধৰি যোৰহাটৰ আশে-পাশে থকা বিভিন্ন অঞ্চলৰ পৰা যোৰহাট কেঞ্চাৰ হাস্পতাললৈ ৰোগীৰ আগমন ঘটিছে৷ চিকিৎসালয়খনৰ সূত্ৰই জানিবলৈ দিয়া মতে বিগত তিনিদিনত ৫২গৰাকী ৰোগীয়ে নিজৰ নাম পঞ্জীয়ন কৰাৰ লগতে চিকিৎসাসেৱা গ্ৰহণ কৰিছে৷ 
উল্লেখ্য যে যোৰহাট  কেঞ্চাৰ হাস্পতাল লেভেল-৩ কেটেগৰি হাস্পতাল৷ বিশ্বমানৰ চিকিৎসা সা-সঁজুলিৰে সমৃদ্ধ চিকিৎসালয়খনত কেঞ্চাৰ ৰোগ চিকিৎসাৰ বাবে প্ৰয়োজনীয় সকলো ব্যৱস্থাই সন্নিৱিষ্ট কৰিছে৷ যোৰহাট কেঞ্চাৰ হাস্পতালৰ অধ্যাপক ডাঃ বিপুল ভূঞাই জনোৱা মতে হাস্পতালখনত ইতিমধ্যে ৰেডিঅ’থেৰাপি, কেম’থেৰাপি, মেম’গ্ৰাফী আদিৰ উন্নত মানৰ যন্ত্ৰপাতি সন্নিৱিষ্ট কৰি বিশ্বমানৰ চিকিৎসা সেৱা আগবঢ়াবলৈ সকলো প্ৰকাৰৰ ব্যৱস্থা গ্ৰহণ কৰিছে৷ 
ইয়াৰ উপৰি এক্স-ৰে’, এম আৰ আই, চিটি স্কেন আদিৰ উপৰি কেঞ্চাৰ ৰোগ নিৰূপণত প্ৰয়োজনীয় বহুকেইটা পৰীক্ষা চিকিৎসালয়খনত উপলব্ধ কৰা হৈছে৷ কেম’থেৰাপিৰ সকলো ব্যৱস্থা সম্পূৰ্ণ হৈছে বুলি উল্লেখ কৰি ডাঃ ভূঞাই কয় যে ইতিমধ্যে ইয়াৰ বাবে ৮খনকৈ বিছনা ৰেডী হৈ আছে৷ পেলিয়েটিভ কেয়াৰকে ধৰি মুঠ ৪২খন বিছনা এই দুয়োটা ইউনিটত সন্নিৱিষ্ট কৰা হ’ব৷ 
ৰোগীৰ প্ৰয়োজন অনুসৰি কেম’থেৰাপি দিয়াৰ ব্যৱস্থা কৰিব৷ আনহাতে যিসকল ৰোগীৰ অটল অমৃত অভিযান, প্ৰধানমন্ত্ৰী জন আৰোগ্য যোজনা সাঙুৰি লৈছে সেইসকল বি পি এল কাৰ্ড হ’ল্ডাৰৰ চিকিৎসা বিনামূলীয়া হ’ব৷ 
অন্য ৰোগীৰ বাবে কেন্দ্ৰীয় চৰকাৰৰ স্বাস্থ্য আঁচনিৰ অধীনত যিধৰণে মাচুল নিৰ্ধাৰণ কৰা আছে সেইধৰণেই পৰিশোধ কৰিব লাগিব৷ কেঞ্চাৰ ৰোগ চিকিৎসাৰ বাবে স্থাপন হোৱা চিকিৎসালয়খনে যোৰহাট জিলাৰ লগতে অন্য প্ৰান্তৰ ৰোগীসকলৰ বাবেও আশাৰ সঞ্চাৰ কৰিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,