Home Daily news অসম সম্পূৰ্ণৰূপে ক’ভিড বিধি প্ৰত্যাহাৰ কৰা প্ৰথমখন ৰাজ্য

অসম সম্পূৰ্ণৰূপে ক’ভিড বিধি প্ৰত্যাহাৰ কৰা প্ৰথমখন ৰাজ্য

যোৱা বছৰৰ এপ্ৰিল মাহৰ পৰা ৰাজ্যত ক’ভিডৰ বাবে নিষেধাজ্ঞা জাৰি কৰাত ৰাজ্যত প্ৰায় এটা বছৰে ব্যাহত হৈ পৰা স্বাভাৱিক জীৱন-যাত্ৰা যোৱা ১৫ ফেব্ৰুৱাৰীৰ পুনৰ স্বাভাৱিক হৈ পৰিছে৷ সাৱধানতামূলক ব্যৱস্থাৰ বাহিৰে ১৫ ফেব্ৰুৱাৰীৰ পৰা ৰাজ্যত ক’ভিডৰ কোনো নিষেধাজ্ঞা নাথাকিব৷ আনহাতে চৰকাৰৰ এই সিদ্ধান্তৰ পাছতে শেহতীয়া ক’ভিড পৰিস্থিতিৰ মাজত ক’ভিড বিধি প্ৰত্যাহাৰ কৰা দেশৰ প্ৰথমখন ৰাজ্য হিচাপে পৰিগণিত হ’ল অসম৷ লক্ষণীয় যে ক’ভিডৰ তৃতীয় ঢৌৰ প্ৰভাৱ অসমত যথেষ্ট পলমকৈ আৰম্ভ হোৱাৰ লগতে অতি ক্ষিপ্ৰতাৰে নিয়ন্ত্ৰণলৈয়ো আহে৷ তাৰেই পৰিপ্ৰেক্ষিতত ১৫ ফেব্ৰুৱাৰীৰ পুৱা ৬ বজাৰ পৰা ৰাজ্যত থকা ক’ভিডৰ সকলো নিষেধাজ্ঞা প্ৰত্যাহাৰ কৰাত স্বাভাৱিক জীৱন-যাত্ৰা আৰম্ভ হৈছে৷ ৰাজ্য চৰকাৰে নতুন এছ অ’ পি জাৰি কৰি পূৰ্বৰ সকলো নিষেধাজ্ঞা প্ৰত্যাহাৰ কৰিলেও দুয়োপালি ভেক্‌চিন নোলোৱা লোকসকলৰ বিৰুদ্ধে অতি কঠোৰ স্থিতি গ্ৰহণ কৰিছে৷ সেই অনুসৰি সভা-সমিতি, চিনেমা হল, থিয়েটাৰ, বজাৰ, সামাজিক-ধৰ্মীয় অনুষ্ঠান আদি অনুষ্ঠিত কৰাৰ ক্ষেত্ৰত কোনো বাধা নাথাকিলেও  দুয়োপালি ভেক্‌চিন নোলোৱা লোকসকলে কোনো স্থানতে প্ৰৱেশ কৰিব নোৱাৰিব৷ এক কথাত, ৰাজহুৱা স্থানলৈ ওলাবলৈ হ’লে দুয়োপালি ক’ভিড ভেক্‌চিন লোৱাটো বাধ্যতামূলক কৰা হৈছে৷ কিন্তু ভেক্‌চিন নোলোৱা লোকৰ ক্ষেত্ৰত কঠোৰ আইনী ব্যৱস্থা লোৱাৰ কথা ঘোষণা কৰিছে চৰকাৰে৷ আনহাতে অন্য বাধা নিষেধ নাথাকিলেও সকলোৱে মাস্ক পৰিধান কৰিব লাগিব, ছেনিটাইজাৰ ব্যৱহাৰ কৰিব লাগিব আৰু দুয়োপালি ভেক্‌চিন ল’ব লাগিব৷ লক্ষণীয় যে দোকান-পোহাৰ, বাণিজ্যিক প্ৰতিষ্ঠান ব্যৱসায়ীসকলে নিজ ইচ্ছামতে বন্ধ কৰা দেখা যায়৷ ইফালে ১৫ ফেব্ৰুৱাৰীৰ পৰা ৰাজ্যৰ শিক্ষানুষ্ঠানসমূহো পুনৰ স্বাভাৱিকভাৱে আৰম্ভ হয়৷ আনহাতে স্বাস্থ্য বিভাগে এক জাননী জাৰি কৰি ৰে’ল ষ্টেচন, বিমান বন্দৰ, সীমান্ত চকী, বাছ আস্থান আদিত বাধ্যতামূলক হৈ থকা ক’ভিড পৰীক্ষাও কাৰ্যকৰী হোৱাকৈ প্ৰত্যাহাৰ কৰা হৈছে৷ ইয়াৰ উপৰি চিকিৎসালয়লৈ যোৱা ৰোগী আৰু অভিভাৱকৰ ক্ষেত্ৰতো ক’ভিড পৰীক্ষা  বাতিল কৰা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,