Home Daily news অসম ধানৰ সঁচ উৎপাদনত স্বাৱলম্বী হোৱাৰ দিশত

অসম ধানৰ সঁচ উৎপাদনত স্বাৱলম্বী হোৱাৰ দিশত

ৰাজ্য চৰকাৰে ধানৰ সঁচ উৎপাদনত জড়িত হ’বলৈ বিচৰা কৃষকসকলৰ নাম পঞ্জীয়নকে ধৰি আনুষংগিক কাম-কাজ বিনামূলীয়া কৰাৰ পাছতেই সঁচ উৎপাদনৰ প্ৰতি আকৰ্ষিত হৈছে বিভিন্ন প্ৰান্তৰ কৃষক৷ পূৰ্বতে কৃষকসকলে বাণিজ্যিক ভিত্তিত ধানৰ সঁচ উৎপাদন কৰিবলৈ বিচাৰিলেও আৰ্থিক অনাটনৰ বাবে সেয়া সম্ভৱ হৈ উঠা নাছিল৷ 
পূবৰ্তে বাণিজ্যিক ভিত্তিত সঁচ উৎপাদন কৰা প্ৰতি হেক্টৰ ভূমিৰ বাবত কৃষকে প্ৰায় ১৮০০ টকা ভৰিব লাগিছিল৷ সঁচ উৎপাদন কৰা ভূমি এক হেক্টৰতকৈ অধিক হ’লে চৰকাৰক আদায় দিব লগা মাচুল আৰু অধিক বৃদ্ধি পাইছিল৷ যাৰ বাবে বাণিজ্যিক ভিত্তিত ধানৰ সঁচ উৎপাদন কৰিবলৈ ৰাজ্যৰ কৃষকসকল আগ্ৰহী হোৱা নাছিল৷ কিন্তু এতিয়া এই ধাৰা সলনি হৈছে৷ 
বৰ্তমানৰ চৰকাৰে কৃষকসকলৰ স্বাৰ্থৰ কথা চিন্তা কৰি পঞ্জীয়ন মাচুল, বীজ প্ৰামাণিকৰণ মাচুলকে ধৰি সঁচ উৎপাদনৰ বাবে চৰকাৰক আদায় দিবলগীয়া সকলো ধৰণৰ মাচুল বিনামূলীয়া কৰিছে৷ যাৰ পৰিপ্ৰেক্ষিতত দেশৰ সঁচ উৎপাদনকাৰী ৰাজ্যসমূহৰ দৰে অসমৰ কৃষকো সঁচ উৎপাদনত জড়িত হোৱা আৰম্ভ কৰিছে৷ 
জানিব পৰা মতে শেহতীয়াকৈ ৰাজ্যখনত প্ৰায় ৮,৮৪০ হেক্টৰ কৃষিভূমিত কেৱল শালিধানৰ সঁচ উৎপাদন কৰা হৈছে৷ আগন্তুক কালটোত শালি ধানৰ সঁচ উৎপাদন কৰা কৃষিভূমি আৰু বৃদ্ধি হ’ব৷ কাৰণ সঁচ উৎপাদনৰ বাবে কৃষকৰ পঞ্জীয়নৰ সংখ্যা আৰু বৃদ্ধি পাইছে৷ যিহেতু সঁচ হিচাপে উৎপাদন কৰা ধানৰ দাম প্ৰায় দুগুণ, সেয়ে সঁচ উৎপাদনৰ প্ৰতি আকৰ্ষণ বৃদ্ধি পাইছে৷ 
স্থানীয় কৃষক, কৃষি, অসম কৃষি বিশ্ববিদ্যালয়ৰ গৱেষণা কেন্দ্ৰ, কৃষি বিজ্ঞান কেন্দ্ৰ আৰু অসম বীজ নিগমৰ নিজাববীয়া ১২খন পামৰ পৰা উৎপাদন কৰা সঁচ এইবাৰ কৃষকৰ মাজত বিতৰণ কৰা হ’ব৷ উল্লেখ্য যে দেশৰ ভিতৰতেই তেলেংগানাই সৰ্বাধিক পৰিমাণৰ ধানৰ সঁচ উৎপাদন কৰে৷ 
এতিয়া অসমেও ধানৰ সঁচ উৎপাদনত স্বাৱলম্বী হোৱাৰ দিশত আগবাঢ়িছে৷ সঁচ উৎপাদনৰ ক্ষেত্ৰত থকা জটিলতা চৰকাৰে দূৰ কৰাৰ পৰিপ্ৰেক্ষিতত কৃষকসকলৰ আগ্ৰহ বৃদ্ধি পাইছে৷ স্থানীয়ভাৱে ধানৰ সঁচৰ উৎপাদন বৃদ্ধি পোৱাত এতিয়া সেই সঁচৰ পৰা পতান ওলোৱাৰ প্ৰৱণতা হ্ৰাস পাব বুলি কৃষি বিভাগে আশা প্ৰকাশ কৰিছে৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...