Home Daily news অসমৰ চাহক ৰাষ্ট্ৰীয় পানীয় হিচাপে ঘোষণা কৰিবলৈ আহ্বান

অসমৰ চাহক ৰাষ্ট্ৰীয় পানীয় হিচাপে ঘোষণা কৰিবলৈ আহ্বান

অসমৰ চাহক ৰাষ্ট্ৰীয় পানীয় হিচাপে ঘোষণা কৰিবলৈ সংসদৰ মজিয়াত দাবী জনালে সাংসদ পৱিত্ৰ মাৰ্ঘেৰিটাই৷ ৰাজ্য সভাৰ শূন্য কালত সাংসদজনে ৰাজ্যৰ চাহ উদ্যোগটোৰ কথা উল্লেখ কৰি কয় যে অসমৰ চাহ উদ্যোগটোৱে ২০২৩ চনত দুশ বছৰ পূৰ্ণ কৰিব৷ অসমবাসীৰ লগতে মুখ্যমন্ত্ৰী ড॰ হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰখনে এই দুশ বছৰীয়া জয়ন্তী উলহ-মালহেৰে পালন কৰাৰ কথা চিন্তা-চৰ্চা কৰিছে৷ সেয়েহে এনে এক সময়ত অসমৰ চাহক জাতীয় পানীয় হিচাপে ঘোষণা কৰিব লাগে৷ এই ক্ষেত্ৰত সকলোৱে সহযোগিতা আগবঢ়াওক, লগতে দেশৰ আন প্ৰান্ততো এই উৎসৱ পালন কৰা হওক৷ অসমৰ চাহৰ প্ৰচাৰ আৰু প্ৰসাৰৰ বাবে এই উৎসৱ পালন কৰা জৰুৰী৷ 
আনহাতে কন্যাকুমাৰীৰ পৰা কাশ্মীৰলৈ, গুজৰাটৰ পৰা উত্তৰ-পূবৰ সকলো লোকৰে ৰান্ধনী ঘৰত চাহ থাকেই বুলি উল্লেখ কৰি তেওঁ লগতে কয় যে প্ৰতিজন লোকেই একাপ চাহেৰে দিনটো আৰম্ভ কৰে৷ ভাৰতীয় সংস্কৃতিৰ ই এক অভিন্ন অংগ৷ সেয়েহে আমাৰ সমাজত চাহৰ গুৰুত্ব অপৰিসীম৷ আনহাতে চাহ বুলিআজিকালি আন সামগ্ৰীও বিক্ৰী কৰা হয় বুলি উল্লেখ কৰি তেওঁ কয় যে অপৰাজিতা ফুলকো ‘ব্লু ট্ৰি’ নামৰে বিক্ৰী কৰা হয়৷ কিন্তু এয়া চাহ নহয়৷ চাহৰ আৰু অপৰাজিতা ফুলৰ সুকীয়া সুকীয়া বৈজ্ঞানিক নাম আছে৷ তেওঁ এনেদৰে চাহৰ নামত আন সামগ্ৰী বিক্ৰী কৰাটো বন্ধ কৰাৰ দাবী উত্থাপন কৰে৷ ইফালে আমি খোৱা প্ৰতিকাপ চাহৰ সৈতে চাহ শ্ৰমিকসকলৰ ত্যাগ তথা কষ্ট জড়িত হৈ থাকে বুলি উল্লেখ কৰি সাংসদজনে কয় যে অসমত প্ৰায় ৫০ লাখ চাহ শ্ৰমিক আছে৷ ব্ৰিটিছসকল এশ বছৰ আৰু স্বাধীনতা লাভ কৰাৰ পাছত  কংগ্ৰেছৰ ৭০ বছৰীয়া শাসন কালত আমি বহুতো হেৰুৱালোঁ৷ সেয়েহে চাহ শ্ৰমিকসকলৰবাবে বিশেষ পেকেজ ঘোষণা কৰাৰ বাবেও সংসদৰ মজিয়াত দাবী উত্থাপন কৰে সাংসদ মাৰ্ঘেৰিটাই৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,