Home Daily news অসমৰ গঁড়ৰ চোৰাং চিকাৰ ৰোধত মোদীৰ উচ্ছ প্ৰশংসা

অসমৰ গঁড়ৰ চোৰাং চিকাৰ ৰোধত মোদীৰ উচ্ছ প্ৰশংসা

প্ৰধানমন্ত্ৰী নৰেন্দ্ৰ মোদীয়ে তেওঁৰ ৰেডিঅ’ কাৰ্যসূচী ‘মন কী বাত’ত অন্যান্য বিষয়ৰ লগতে প্ৰতিটো জীৱৰ প্ৰতি দয়া আৰু প্ৰকৃতিৰ প্ৰতি প্ৰেম যে ভাৰতীয় সংস্কৃতিৰ অংশ সেই কথা দাঙি ধৰে আৰু এই প্ৰসংগত অসমীয়া সংস্কৃতিৰ অংশ গঁড়ৰ সংৰক্ষণৰ ক্ষেত্ৰত ৰাজ্যখনে লাভ কৰা সফলতাৰ বিৱৰণ দিয়ে৷ তেওঁ কয় যে সৎ উদ্দেশ্যৰ সৈতে আন্তৰিক প্ৰচেষ্টা চলালে সুফল পোৱা যায়৷ তাৰ এটা ডাঙৰ উদাহৰণ হ’ল অসম৷ এটা খৰ্গযুক্ত গঁড় সদায় অসমীয়া সংস্কৃতিৰ অংশ হৈ আহিছে৷ কাজিৰঙাৰ সেউজ পৰিৱেশ আৰু ইয়াৰ বন্যপ্ৰাণীৰ প্ৰশংসা কৰি ভাৰত ৰত্ন ভূপেন হাজৰিকাই গোৱা এটা গানৰ কথা মোদীয়ে স্মৰণ কৰে আৰু ‘কাজিৰঙা, কাজিৰঙা/নহয় অভয়াৰণ্য/ইয়াতকৈও ভয়াৱহ জানা/পৃথিৱীৰ জন অৰণ্য’ শীৰ্ষক গানটোৰ এটা কলি ৰেডিঅ’ত বজাই শুনোৱা হয়৷ তেওঁ কয় যে গঁড়ৰ চোৰাং চিকাৰে কাজিৰঙাৰ ক্ষতি কৰে৷ ২০১৩ চনত ৩৭টা আৰু ২০১৪ চনত ৩২টা গঁড় চোৰাং চিকাৰীয়ে হত্যা কৰিছিল৷ এই প্ৰত্যাহ্বান চম্ভালিবলৈ অসম চৰকাৰৰ বিশেষ প্ৰচেষ্টাত যোৱা সাত বছৰত গঁড়ৰ চোৰাং চিকাৰৰ বিৰুদ্ধে এটা ডাঙৰ অভিযান চলোৱা হয়৷ ২০২১ চনত ৰাজ্যখনত চোৰাং চিকাৰীয়ে মাত্ৰ এটা গঁড়হে হত্যা কৰে৷  যোৱা বছৰৰ ২২ ছেপ্টেম্বৰত বিশ্ব গঁড় দিৱস উপলক্ষে চোৰাং বেপাৰীবিলাকৰ পৰা জব্দ কৰা ২৪০০ৰো অধিক খৰ্গ জ্বলাই দিয়া হয়৷ মোদীয়ে কয় যে চোৰাং চিকাৰীবিলাকলৈ এইটো এটা কাঢ়া বাৰ্তা আছিল আৰু এতিয়া অসমত গঁড়ৰ চোৰাং চিকাৰ ক্ৰমাৎ কমিছ৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...