Home Daily news অসমীয়াৰ গৌৰৱ ‘গামোচা’খনলৈজি আই টেগৰ স্বীকৃতি

অসমীয়াৰ গৌৰৱ ‘গামোচা’খনলৈজি আই টেগৰ স্বীকৃতি

আমাৰ হিয়াৰ আমঠু গামোচাখন অসমীয়াৰ স্বাভিমানৰ প্ৰতীক৷ অসমীয়া গামোচাখনে ইয়াৰ কলা-সংস্কৃতি, সভ্যতাক প্ৰতিনিধিত্ব কৰে৷ অতি সন্মানজনক কাম বিহু সংক্ৰান্তি, শুভ কৰ্ম, কাৰোবাক আদৰা আদি গুৰুত্বপূৰ্ণ কামত গামোচা ব্যৱহাৰ হয়৷ অসমীয়া সমাজত গামোচাৰ আদৰ অতি উচ্ছ৷ বিশ্ব দৰবাৰত অসমীয়া গামোচাই যথেষ্ট স্বীকৃতি লাভ কৰিছে৷ ইয়াৰ সমাদৰ বহুলভাৱে বিস্তাৰিত হৈ বিশ্বৰ প্ৰান্তে প্ৰান্তে এক সুকীয়া আসন দখল কৰিবলৈ সক্ষম হৈছে৷ শেহতীয়াভাৱে অসমীয়াৰ স্বাভিমান গামোচাখনে কঢ়িয়াই অনা এক সুখবৰে অসমবাসীকে গৌৰৱান্বিত কৰিছে৷ বহু অপেক্ষা তথা উৎকণ্ঠাৰ পাছত অসমৰ গামোচাখনে জিঅ’গ্ৰাফিকেল ইণ্ডিকেশ্যন টেগ চমুকৈ জি আইৰ স্বীকৃতি লাভ কৰিবলৈ সক্ষম হৈছে৷ 
কেন্দ্ৰীয় চৰকাৰৰ জিঅ’ ইণ্ডিকেশ্যন পঞ্জীয়কে আনুষ্ঠানিকভাৱে অসমৰ গামোচাই এই স্বীকৃতি লাভ কৰাৰ কথা ঘোষণা কৰে৷ উল্লেখ্য যে জিঅ’গ্ৰাফিকেল ইণ্ডিকেশ্যন অব গুড্‌ছ এক্ট ১৯৯৯১ অধীনত ভাৰত চৰকাৰৰ বৌদ্ধিক সম্পত্তিৰ আইনৰ অধীনত এই স্বীকৃতি প্ৰদান কৰা হয়৷ এই সুখবৰটোৰ কথা টুইটাৰযোগে সদৰী কৰে কেন্দ্ৰীয় চৰকাৰৰ বাণিজ্য, উদে্যাগ, বস্ত্ৰশিল্প মন্ত্ৰী পীয়ুষ গোৱেলে৷ অসমৰ বস্ত্ৰ শিল্পৰ স্বকীয়তা তুলি ধৰি বিশ্বতে নিজৰ চানেকি ৰাখিবলৈ সক্ষম হোৱা গামোচাখনৰ এই স্বীকৃতিয়ে গোটেই অসমবাসীক আজি গৌৰৱান্বিত কৰিছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...