Home Daily news অসমত চাউলৰ পৰা ইথানল প্ৰস্তুতৰ চিন্তা

অসমত চাউলৰ পৰা ইথানল প্ৰস্তুতৰ চিন্তা

ৰাজ্যত পেট্ৰল পাম্পবোৰত পেট্ৰলত ইথানলৰ মিশ্ৰণক লৈ বিতৰ্কৰ সৃষ্টি হোৱাৰ সময়তে ইয়াৰ কোনো শংকাৰ কাৰণ নাই বুলি উল্লেখ কৰিছে কেন্দ্ৰীয় পেট্ৰলিয়াম দপ্তৰৰ ৰাজ্যিক মন্ত্ৰী ৰামেশ্বৰ তেলীয়ে৷ কেন্দ্ৰীয় মন্ত্ৰী তেলীয়ে ২০২৫ চনৰ ভিতৰত দেশে ২০ শতাংশ ইথানল বাইণ্ডিং তেল প্ৰস্তুত কৰিব বুলি উল্লেখ কৰি কুঁহিয়াৰ, বাঁহ, চাউল, ধান, খেৰৰ পৰাও ইথানল উৎপাদন সম্ভৱ বুলি জানিবলৈ দিয়ে৷ তেওঁ লগতে কয় যে অসমত চাউলৰ পৰা ইথানল প্ৰস্তুত কৰাৰ কথা চিন্তা কৰা হৈছে৷ ইতিমধ্যে ৭টা কোম্পানীৰ লগত চুক্তিও চৰকাৰৰ হৈ গৈছে৷ ইফালে এছিয়া মহাদেশৰ ভিতৰতে প্ৰথম অসমৰ স্বাভিমানৰ প্ৰতীক ডিগবৈ শোধনাগাৰৰ উৎপাদন ক্ষমতা বৃদ্ধি কৰাৰ চিন্তা-চৰ্চা কৰিছে কেন্দ্ৰীয় চৰকাৰে৷ অনাগত দিনত ১ মিলিয়নলৈ বৃদ্ধি হ’ব ডিগবৈ শোধনাগাৰৰ উৎপাদন ক্ষমতা৷ আনহাতে দীৰ্ঘদিনীয়া প্ৰতিবাদ-আন্দোলনৰ পাছত ৰাজ্যবাসীয়ে লাভ কৰিবলৈ সক্ষম হৈছে আন এক সু-খবৰ৷ এমাহৰ ভিতৰত অইল ইণ্ডিয়াৰ মুখ্য কাৰ্যালয় স্থানান্তৰ হ’ব অসমলৈ৷ গুৱাহাটীৰ বামুণীমৈদামত স্থাপন কৰা হ’ব স্থায়ী কাৰ্যালয়টো৷ ইতিমধ্যে ৰাজ্য চৰকাৰে কাৰ্যালয়টোৰ বাবে আগবঢ়াইছে ৭ বিঘা মাটি৷ কাৰ্যালয়টোৰ বাবে ডিজাইন প্ৰস্তুত হোৱাৰ লগতে নিবিদা আহ্বান কৰা হৈছে৷ শেহতীয়াভাৱে গুৱাহাটীৰ ভঙাগড়ৰ এটা ভাৰাঘৰৰ পৰাই চলিব অইল ইণ্ডিয়াৰ কাম-কাজ৷ এইদৰে  জনায় কেন্দ্ৰীয় পেট্ৰলিয়াম দপ্তৰৰ ৰাজ্যিক মন্ত্ৰী ৰামেশ্বৰ তেলীৰ৷ উত্তৰ গুৱাহাটীস্থিত এ পি জি বটলিং প্লাণ্ট পৰিদৰ্শন কৰিবলৈ আহি এই মন্তব্য কৰে কেন্দ্ৰীয় মন্ত্ৰীজনে৷

Most Popular

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...

সামুদ্ৰিক মাছৰ গুণাগুণ তথা উপকাৰিতাৰ বিষয়ে জানেনে আপুনি ?

মাছ আমাৰ সকলোৰে প্ৰিয় খাদ্য হিচাপে ধৰা হয়৷ ইয়াৰ লগতে সামুদ্ৰিক মাছ বহুৰেই প্ৰিয় খাদ্য৷ ইয়াৰ স্বাদ তথা গুণাগুণ অলপ সুকীয়া৷ শৰীৰৰ...

নাছাই ক’লে : পৃথিৱীৰ পৰা মঙল গ্ৰহ পাবলৈ মাত্ৰ ৪৫ দিন লাগিব

বিশ্বৰ কেইবাখনো দেশে মঙল গ্ৰহলৈ মানুহ পঠিয়াবলৈ প্ৰস্তুতি চলাইছে৷ আমেৰিকাৰ মহাকাশ সংস্থা নাছাৰ মতে, পৃথিৱীৰ পৰা মঙল গ্ৰহলৈ...

স্মাৰ্টফোনৰ তলৰ ফুটাটোৰ কাম কি : আপুনি হয়তো নাজানে?

মানৱ জীৱনশৈলীত মোবাইল ফোনটো এতিয়া এটা অবিচ্ছেদ্য অংগ হৈ পৰিছে৷ হাতৰ টিপতে সমস্ত বিশ্বখন হাতে পোৱা, সকলো স্তৰৰ খবৰ, বিত্তীয় লেনদেন, যোগাযোগ...