Home Daily news অভিলেখ : খাদ্য শস্যৰ সামগ্ৰিক উৎপাদন বাঢ়িব

অভিলেখ : খাদ্য শস্যৰ সামগ্ৰিক উৎপাদন বাঢ়িব

২০২১-২২ শস্য বৰ্ষত ভাৰতৰ ঘেঁহুৰ উৎপাদন প্ৰায় ৩ শতাংশ কমি ১০৬.৮৪ মিলিয়ন টন হোৱা বুলি চৰকাৰে পূৰ্বানুমান কৰিছে৷ আনহাতে খাদ্য শস্যৰ সামগ্ৰিক উৎপাদন অভিলেখ পৰিমাণৰ ৩১৫.৭২ মিনিয়ন টন হোৱা বুলি পূৰ্বানুমান কৰা হৈছে৷ প্ৰচণ্ড গ্ৰীষ্ম প্ৰৱাহৰ বাবে ঘেঁহুৰ উৎপাদন কমা বুলি অনুমান কৰা হৈছে৷ প্ৰচণ্ড গ্ৰীষ্ম প্ৰৱাহৰ বাবে পঞ্জাব আৰু হাৰিয়ানাত ঘেঁহুৰ উৎপাদন কমে৷ ২০২১-২২ শস্য বৰ্ষৰ বাবে চতুৰ্থটো আগতীয়া আনুমানিক হিচাপ মুকলি কৰি কেন্দ্ৰীয় কৃষি মন্ত্ৰ্যালয়ে কয় যে চাউল, গোমধান, বুট, মাহজাতীয় শস্য, ৰেপছীড আৰু সৰিয়হ, তৈল বীজ আৰু কুঁহিয়াৰৰ উৎপাদন অভিলেখ পৰিমাণৰ হ’ব৷ ২০২১-২২ শস্য বৰ্ষ আছিল ২০২১ চনৰ জুলাইৰ পৰা ২০২২ চনৰ জুনলৈ৷ 
দেশখনৰ খাদ্য শস্যৰ সামগ্ৰিক উৎপাদন ২০২২ চনৰ জুনত অন্ত পৰা শস্য বৰ্ষত অভিলেখ পৰিমাণৰ ৩১৫.৭২ মিলিয়ন টন হ’ব বুলি অনুমান কৰা হৈছে৷ কৃষি মন্ত্ৰী নৰেন্দ্ৰ সিং টোমৰে কয় যে ইমানবোৰ শস্যৰ উৎপাদন অভিলেখ পৰিমাণৰ হোৱাৰ কাৰণ হ’ল চৰকাৰৰ কৃষক-অনুকূল নীতি আৰু লগতে কৃষকসকলৰ কঠোৰ শ্ৰম আৰু বিজ্ঞানীসকলৰ কৰ্তব্যনিষ্ঠা৷ ২০২০-২১ বৰ্ষত দেশখনত ঘেঁহু, চাউল, মাহজাতীয় শস্যকে ধৰি খাদ্য শস্য উৎপাদন হৈছিল ৩১০.৭৪ মিলিয়ন টন৷ চৰকাৰৰ আনুমানিক হিচাপ মতে, ২০২১-২২ শস্য বৰ্ষত ঘেঁহুৰ উৎপাদন ১০৬.৮৪ মিলিয়ন টনলৈ কমিব৷ আগৰ বছৰ উৎপাদন হৈছিল ১০৯.৫৯ মিলিয়ন টন৷ চাউলৰ উৎপাদন আগৰ বছৰ আছিল ১২৪.৩৭ মিলিয়ন টন৷ এই বছৰ ১৩০.২৯ মিলিয়ন টন হ’ব বুলি অনুমান কৰা হৈছে৷ সেইদৰে আনবোৰ শস্যৰ উৎপাদনো বৃদ্ধি পাব বুলি অনুমান কৰা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,