বয়সৰ লগত সংগতি ৰাখি ওজন বৃদ্ধি হোৱাটো খুবেই জৰুৰী৷ কিন্তু বহু শিশুৰ ক্ষেত্ৰত পুষ্টিৰ অভাৱত ওজন বৃদ্ধি নোহোৱা সমস্যাই দেখা দিয়ে৷ সেয়েহে মাক-দেউতাকে কেনেকৈ সন্তানৰ ওজন বৃদ্ধি কৰিব, ইয়াক লৈ চিন্তিত হোৱা দেখা যায়৷ সেয়েহে আজি আমি লৈ আহিছোঁ এনেকুৱা কিছুমান খাদ্য, যাৰ দৈনিক গ্ৰহণে নিশ্চয় আপোনাৰ শিশুটিৰ ওজন বৃদ্ধি কৰি এটা সুঠাম চেহেৰাৰ গৰাকী হোৱাত সহায় কৰিব পাৰিব৷(১) দৈনিক আপোনাৰ সন্তানক কণী খুৱাওক৷ কিয়নো কণীত প্ৰচুৰ পৰিমাণে প্ৰ’টিন আৰু হেল্থি ফেটছ পোৱা যায়, যিয়ে মাংসপেশী গঠনত সহায় কৰে৷
(২) দুগ্ধজাত সামগ্ৰী যেনে গাখীৰ, মাখন, ঘিউ, দৈ, চিজ আদিত প্ৰচুৰ পৰিমাণে কেলচিয়াম থাকে৷ যিয়ে ওজন বৃদ্ধি, মাংসপেশী গঠন তথা হাড়ৰ গঠনত সহায় কৰে৷ সেয়েহে আপোনাৰ শিশুটিক এনেধৰণৰ খাদ্য খুওৱা উচিত৷
(৩) ওজন বৃদ্ধিৰ ক্ষেত্ৰত কল উত্তম৷ কলত প্ৰচুৰ পৰিমাণে কেলৰি থাকে৷ নিয়মিতভাৱে কলৰ বিশেষকৈ ভীমকলৰ সেৱনে আপোনাৰ সন্তানৰ ওজন বৃদ্ধিত অভূতপূৰ্ব বৰঙনি যোগাব পাৰে৷
(8) সন্তানৰ ওজন বৃদ্ধিৰ কাৰণে তেওঁলোকৰ খাদ্য তালিকাত বাদামজাতীয় খাদ্যবস্তু অন্তৰ্ভুক্ত কৰক৷ যেনে কাজু, আলমণ্ড, ফ্লেক্সচিডছ, কাঠবাদাম, ছানফ্লাৱাৰ চিডছ ইত্যাদি৷
(৫) তেলাল মাছেও ওজন বৃদ্ধিৰ ক্ষেত্ৰত সহায় কৰিব পাৰে৷ এনেধৰণৰ মাছত প্ৰ’টিন আৰু হেল্থি ফেটছ পোৱা যায়, যিয়ে আপোনাৰ সন্তানৰ মাংসপেশী গঠনত অৰিহণা যোগাব পাৰে৷
