শীত আহিল মানেই পানী চোৱাৰ এলাহ৷ তাতে যদি আকৌ পুৱা উঠিয়েই ঠাণ্ডা পানীৰে স্নান কৰিবলগীয়া হয় তাতকৈ বিৰক্তিকৰ কথা আৰু কি হ’ব পাৰে৷ সেয়েহে শীতকালত বহুতেই গৰম পানীৰে গা ধোৱাটো পচন্দ কৰে৷ পিছে দৈনিক গৰম পানীৰে গা ধোৱাটো উচিতনে? কি কয় বিশেষজ্ঞই জানো আহক৷(১) অতিৰিক্ত গৰম পানীৰে স্নান কৰিলে ছালৰ আদ্ৰৰ্তা কমে৷ ফলত ছাল শুকান হোৱাৰ সমস্যাই দেখা দিয়ে৷
(২) আপোনাৰ ছালখন যদি অধিক সংবেদনশীল হয়, তেন্তে অধিক গৰম পানীৰে গা নুধুব৷ ই আপোনাৰ ছাল ৰঙা পৰা বা এলাৰ্জিৰ সৃষ্টি কৰিব পাৰে৷
(৩) গৱেষণা অনুসৰি দৈনিক আধা ঘণ্টাতকৈ বেছি সময় গৰম পানীৰে স্নান কৰিলে প্ৰজনন ক্ষমতা কমি আহে৷ সেয়েহে যিসকল লোকৰ প্ৰজননৰ সমস্যা আছে, তেওঁলোকক চিকিৎসকে ঠাণ্ডা পানীৰে গা ধোৱাৰ পৰামৰ্শ দিছে৷
(8) দৈনিক গৰম পানীৰে গা ধুলে ছাল সোনকালে শোতোৰা পৰাৰ আশংকা থাকে৷
(৫) লগতে স্নান কৰাৰ সময়ত গৰম পানী চুলি ধোৱা কামত ব্যৱহাৰ কৰিলে চুলিৰ গুৰি নৰম হৈ সৰিবলৈ আৰম্ভ কৰে৷
(৬) একেদৰে আপোনাৰ যদি উচ্চ ৰক্তচাপ আৰু হাৰ্টৰ সমস্যা আছে, তেন্তে অধিক গৰম পানীৰে গা নুধুব৷ ই ৰক্তচাপ বৃদ্ধি কৰি আপোনাৰ সমস্যা অধিক বঢ়াইহে তুলিব পাৰে৷
