শীতৰ সময়ত পেট্ৰ’লিয়াম জেলী লগত ৰখাটো প্ৰায় সকলো মানুহৰে অভ্যাস৷ বিশেষকৈ মহিলাসকলে বেগত প্ৰায়ে পেট্ৰ’লিয়াম জেলী ৰখা দেখা যায়৷ শীতৰ সময়ত হোৱা প্ৰধান সমস্যা – ফটা ওঁঠত পেট্ৰ’লিয়াম জেলী বিশেষভাৱে কাৰ্যকৰী৷ পিছে পেট্ৰ’লিয়াম জেলীৰ কাম ইমানেই নেকি? জানো আহক ইয়াক আৰু কি কি কামত ব্যৱহাৰ কৰিব পাৰি৷
(১) শৰীৰৰ কোনো অংশত আঘাত লাগি ছাল গ’লে পেট্ৰ’লিয়াম জেলী ব্যৱহাৰ কৰিব পাৰি৷
(২) নতুন জোতা পিন্ধাৰ আগতে পেট্ৰ’লিয়াম জেলী সানি ল’লে ভৰি কাটি ফোহা হোৱাৰ সম্ভাৱনা কম থাকে৷
(৩) চকুৰ পতাত পেট্ৰ’লিয়াম জেলী সানিলে চকুৰ পতাৰ ছাল নৰম হয়৷ অকল চকুৱে নহয়, নৰম ছালৰ বাবে দেহৰ যিকোনো অংগতে পেট্ৰ’লিয়াম জেলী ব্যৱহাৰ কৰিব পাৰি৷
(৪) চুলিৰ আগত পেট্ৰ’লিয়াম জেলী সানিলে চুলি ফটা বন্ধ হয়৷
(৫) একেদৰে শিশুক ডাইপাৰ পিন্ধোৱাৰ ফলত হোৱা খজুৱতি, ৰঙা পৰা আদিতো পেট্ৰ’লিয়াম জেলী ব্যৱহাৰ কৰিব পাৰি৷
