ঔষধি গুণসম্পন্ন গছৰ ভিতৰত নিমগছৰ স্থান অন্যতম৷ নিমৰ পাতক এণ্টিছেপটিক হিচাপেও বিবেচনা কৰা হয়৷ নিমৰ গুণাগুণৰ কথা বিবেচনা কৰিয়েই নিমক একৈশ শতিকাৰ বৃক্ষ বুলি ঘোষণা কৰা হৈছে৷ শৰীৰৰ অন্য অংগৰ লগতে ছালৰ বিভিন্ন সমস্যা নিৰ্মূল কৰাত নিম বিশেষভাৱে কাৰ্যকৰী৷ ছালৰ বিভিন্ন সমস্যাত নিম পাতক কেনেকৈ ব্যৱহাৰ কৰিব জানো আহক৷(১) শালমইনা হ’লে নিম পাত আৰু কমলাৰ বাকলি পানীত সিজাই ঠাণ্ডা হোৱাৰ পাছত মিক্সিত ব্লেণ্ড কৰি এটা পেষ্ট তৈয়াৰ কৰি ল’ব লাগে৷ এতিয়া এই পেষ্টটোত অলপ মৌ আৰু নেমুৰ ৰস মিশ্ৰণ কৰি সপ্তাহত দুবাৰ ব্যৱহাৰ কৰিলে শালমইনাবিহীন এখন উজ্জ্বল ছালৰ গৰাকী হ’ব পাৰিব৷
(২) Whitehead, Blackhead সকলো ধৰণৰ সমস্যা নিৰ্মূল কৰিব পাৰে নিম পাতে৷ ইয়াৰ বাবে নিম পাতৰ গুড়ি, সামান্য হালধিৰ গুড়ি আৰু পানীৰে তৈয়াৰী পেষ্ট আক্ৰান্ত অংশত লগাই কুহুমীয়া পানীৰে ধুই পেলাব লাগে৷
(৩) এনেধৰণে তৈয়াৰ কৰা পেষ্টে ডাৰ্ক স্পট্ছ, Blemish, ছাল ৰঙা পৰা আদি সমস্যাও নিৰাময় কৰে৷
(8) নিম পাত সিজোৱা পানীৰে গা ধুলে ছালত হোৱা খৰ-খজুৱতি আদি ভাল হয়৷
(৫) ইয়াৰ উপৰি নিম পাতত থকা এণ্টিবেক্টেৰিয়েল উপাদানে উফিৰ সমস্যা, দেহত পৰা বয়সৰ চাপ, বিভিন্ন এলাৰ্জিক ইনফেক্শ্যন আদি দূৰ কৰাতো সহায় কৰে৷
