ৰন্ধন শালত প্ৰায়ে ব্যৱহৃত এবিধ সামগ্ৰী হৈছে শুকান মছলা৷ শুকান মছলাৰ ব্যৱহাৰে খাদ্যৰ সোৱাদ দুগুণে বৃদ্ধি কৰে৷ কিন্তু আপুনি জানেনে এই শুকান মছলাবোৰৰো আছে আশ্চৰ্যকৰ গুণ৷ তেন্তে জানো আহক কোনবিধ শুকান মছলা কিহৰ বাবে উপকাৰী৷(১) হালধিত থকা কাৰ্কিউমিনে স্বাস্থ্য ধৰি ৰখাত বিশেষভাৱে অৰিহণা যোগায়৷ ই একপ্ৰকাৰৰ এণ্টিঅক্সিডেণ্ট, যিয়ে ফ্ৰী ৰেডিকেলৰ সৈতে যুদ্ধ কৰি শৰীৰটোক সুস্থ কৰি ৰাখে৷
(২) তেজপাতে হজম শক্তি উন্নত কৰে৷ ইয়াত প্ৰচুৰ পৰিমাণে ভিটামিন-A, ভিটামিন-C, ফলিক এচিড আৰু শৰীৰৰ বাবে লাগতিয়াল উপাদান পোৱা যায়৷
(৩) ডালচেনিয়ে শৰীৰত কলেষ্টৰেল আৰু গ্লুকজৰ পৰিমাণ নিয়ন্ত্ৰণ কৰে লগতে মগজু কাৰ্যক্ষম কৰি স্মৃতিশক্তি বৃদ্ধি কৰাত সহায় কৰে৷
(৪) আদাই বদহজম, বমি, পেট ফুলা, কাহ, চৰ্দি, মাহেকীয়া পেটৰ বিষ আদি বিভিন্ন ৰোগৰ সমাধান দিয়ে৷
(৫) জালুকক শুকান মছলাৰ ৰজা বুলি বিবেচনা কৰা হয়৷ জালুক ভিটামিন-C-ৰ ভাল উৎস৷ কৰ্কট ৰোগৰ লগত যুঁজ কৰাৰ উপাদান জালুকত পোৱা যায়৷
(৬) হিঙে পাচন প্ৰক্ৰিয়া উন্নত কৰি কোষ্ঠকাঠিন্য নিৰাময় কৰে৷ অৱশ্যে অতিমাত্ৰা শুকান মছলাও শৰীৰৰ কাৰণে ভাল নহয়৷
