অভ্যংগ অৰ্থাৎ শৰীৰক গৰম তেলেৰে মালিচ কৰাটো এক প্ৰাচীন আয়ুৰ্বেদিক পদ্ধতি৷ বিশেষকৈ ঠাণ্ডা দিনত যেতিয়া আমাৰ শৰীৰৰ অংগসমূহ জথৰ হৈ থাকে, তেতিয়া গৰম তেলেৰে মালিচ কৰিলে দেহৰ অংগসমূহ সক্ৰিয় হৈ পৰে৷ লগতে ঠাণ্ডা দিনত ছাল শুষ্ক হৈ যোৱা সমস্যাও নিবাৰণ কৰিব পাৰে শৰীৰত গৰম তেলেৰে মালিচ কৰিলে৷ সেয়েহে আপুনিও যদি নিজৰ দেহটোক ভাল পায়, ইয়াৰ যতন ল’বলৈ বিচাৰে, তেন্তে দৈনিক এই ৰুটিন অনুসৰণ কৰক৷(১) প্ৰথমে এটা পাত্ৰত তেল গৰম কৰি লওক৷ তাৰ পাছত সামান্য গৰম তেল মূৰত লগাই চাৰ্কুলাৰ মোশ্যনত মালিচ কৰক৷
(২) এনেদৰে তেলেৰে মূৰ, কাণৰ বাহিৰ অংশ মালিচ কৰি উঠি গল, ডিঙি, কান্ধ আদি মালিচ কৰক৷
(৩) তেল মালিচ কৰাৰ আগতে তেলখিনি কিছুসময় ছালত সো যাবলৈ দিব লাগে৷ তাৰ পাছতহে আঙুলি আৰু হাতৰ তলুৱাৰ সহায়ত আলফুলে মালিচ কৰিব লাগে৷
(৪) ইয়াৰ পাছতে বাহু, বুকু, পেট আদি অংশ মালিচ কৰক৷ মনত ৰাখিব আপোনাৰ হাৰ্টত যাতে বেছি জোৰ নপৰে৷
(৫) ইয়াৰ ঠিক পাছতে শৰীৰৰ পাছ অংশ অৰ্থাৎ পিঠি, কঁকাল আদি অংশ লাহে লাহে মালিচ কৰক৷ এনেদৰে মালিচ কৰি উঠি ১০-১৫ মিনিটমান শৰীৰটোক জিৰণি দিয়ক, যাতে তেলখিনি ভালকৈ ছালৰ ভিতৰত সোমাই যায়৷
(৬) এতিয়া আহক ভৰিলৈ৷ মনত ৰাখিব যিহেতু দিনৰ দিনটো আমাৰ গোটেই শৰীৰৰ ভাৰসাম্য ভৰি দুখনে বহন কৰে, সেয়েহে ইয়াৰ উপযুক্ত যত্নৰ প্ৰয়োজন৷ অলপ সৰহকৈ তেল লৈ ভৰি, কলাফুল, উৰু, ভৰিৰ আঙুলি, ভৰিৰ তলুৱা আদি বেছি সময় মালিচ কৰক৷ মনত ৰাখিব ভৰিৰ তলুৱাত বেছিকৈ জোৰ দিলেও ভৰিৰ ওপৰৰ পতাত লাহে লাহে আঙুলিৰে মাচাজ কৰা উচিত৷
