Home Daily news ৰাজ্যৰ বিদ্যুৎ সংযোগ নথকা অঞ্চলক ছ’লাৰলাইটেৰে পোহৰোৱাৰ পদক্ষেপ চৰকাৰৰ

ৰাজ্যৰ বিদ্যুৎ সংযোগ নথকা অঞ্চলক ছ’লাৰলাইটেৰে পোহৰোৱাৰ পদক্ষেপ চৰকাৰৰ


যিবোৰ ভিতৰুৱা তথা দুৰ্গম অঞ্চলত বিদ্যুৎ সৰবৰাহৰ ব্যৱস্থা এতিয়াও সম্ভৱ হৈ উঠা নাই, সেই এলেকাসমূহো এতিয়া আলোকিত হৈ থাকিব৷ সৌৰ শক্তিৰে ভিতৰুৱা গাঁওসমূহ পোহৰাই তোলাৰ বাবে ব্যৱস্থা কৰিছে আধ্যাত্মিক গুৰু শ্ৰীশ্ৰী ৰবিশংকৰৰ ‘আৰ্ট অব্‌ লিভিঙে’৷ ‘আৰ্ট অব্‌ লিভিং’ নামৰ সংস্থাৰ শ্ৰীশ্ৰী ৰুৰেল ডেভলপমেণ্ট প্ৰগ্ৰাম ট্ৰাষ্টৰ দ্বাৰা কাৰ্বি আংলং আৰু ডিমা হাছাও জিলালৈ ২ হাজাৰটা সৌৰচাকি কঢ়িয়াই নিয়া এখন বাহন মুখ্যমন্ত্ৰী ড॰ হিমন্ত বিশ্ব শৰ্মাই জনতা ভৱন চৌহদত আয়োজিত এক অনুষ্ঠানত ‘ফ্লেগ অফ’ কৰি প্ৰেৰণ কৰে৷ উল্লেখ্য যে আধ্যাত্মিক গুৰু শ্ৰীশ্ৰী ৰবিশংকৰে ‘লাইট এ হ’ম’ নামৰ এক প্ৰকল্পৰ অধীনত এই সৌৰ লাইটসমূহ প্ৰেৰণ কৰিছে৷ এই সৌৰচাকিসমূহ কাৰ্বি আংলং আৰু ডিমা হাছাও জিলাৰ ভিতৰুৱা জনজাতীয় গাঁৱত স্থাপন কৰা হ’ব৷ উচ্ছমানবিশিষ্ট তথা জলপ্ৰতিৰোধী এই সৌৰচাকিসমূহৰ সৈতে ম’বাইল ফ’ন চাৰ্জ কৰিব পৰা ব্যৱস্থাও সংলগ্ন হৈ আছে৷ ভাষণত মুখ্যমন্ত্ৰী ড॰ শৰ্মাই কয় যে ২০১৩ চনত আৰম্ভ হোৱা ‘লাইট এ হ’ম’ প্ৰকল্পই দেশত বিস্তৃৰ্ণ অঞ্চলত জনসাধাৰণৰ জীৱন চুই যাবলৈ সক্ষম হৈছে৷ এই পদক্ষেপে দেশৰ ৭৬০খন গাঁও সামৰি ৩ হাজাৰটা গৃহ বৰ্তমানলৈকে সামৰি লৈছে৷ মুখ্যমন্ত্ৰীয়ে কয় যে চলিত বৰ্ষৰ ২৫ ছেপ্টেম্বৰত ৰাজ্য চৰকাৰে কাজিৰঙাত আয়োজন কৰা চিন্তন শিবিৰত উপস্থিত থাকি যোগদান কৰাৰ পাছত আধ্যাত্মিক গুৰুগৰাকীয়ে ‘লাইট এ হ’ম’ কাৰ্যসূচীৰ অধীনত কাৰ্বি আংলং আৰু ডিমা হাছাও জিলালৈ সৌৰচাকি প্ৰেৰণৰ কথা উল্লেখ কৰিছিল৷ ইতিমধ্যে ‘আৰ্ট অব্‌ লিভিং’ সংস্থাটোৰ জৰিয়তে ৰাজ্যৰ বহুকেইখন গাঁৱত এনে চাকি প্ৰেৰণ কৰা হৈছে বুলিও তেওঁ সদৰী কৰে৷ মুখ্যমন্ত্ৰীয়ে কয় যে এই কাৰ্যসূচীয়ে যাতে জনসাধাৰণৰ মাজত প্ৰসাৰ আৰু প্ৰচাৰ লাভ কৰে সেই উদ্দেশ্যে আজি ফ্লেগ অফ কৰি¸ প্ৰতীকী অৰ্থত এই সামগ্ৰীসমূহ প্ৰেৰণ কৰা হৈছে৷ এই উদ্যোগৰ বাবে মুখ্যমন্ত্ৰীয়ে শ্ৰীশ্ৰী ৰবিশংকৰক অসমবাসীৰ হৈ শ্ৰদ্ধা আৰু কৃতজ্ঞতা জ্ঞাপন কৰে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...