Home Daily news ৰাজ্যত স্বাস্থ্য সেৱাৰ মান উন্নীতকৰণৰ বাবে বিশেষ পদক্ষেপ

ৰাজ্যত স্বাস্থ্য সেৱাৰ মান উন্নীতকৰণৰ বাবে বিশেষ পদক্ষেপ

ৰাজ্যৰ সকলো জিলাত শিশু আৰু মাতৃৰ স্বাস্থ্যৰ লগতে ৰাজহুৱা স্বাস্থ্য সেৱাৰে জড়িত গুৰুত্বপূৰ্ণ দিশসমূহ বিস্তৃতভাৱে পৰ্যালোচনাৰ বাবে ৰাজ্যিক স্তৰৰ ৰাজহুৱা স্বাস্থ্য সেৱা পৰ্যালোচনা সন্মিলন খানাপাৰাৰ অসম প্ৰশাসনীয় পদাধিকাৰী মহাবিদ্যালয়ত অনুষ্ঠিত হয়৷ ৰাষ্ট্ৰীয় স্বাস্থ্য অভিযান, অসমৰ দ্বাৰা আয়োজিত স্বাস্থ্য মন্থন শীৰ্ষক ৰাজহুৱা স্বাস্থ্য সেৱা বিষয়ক এই ৰাজ্যিক স্তৰৰ পৰ্যালোচনা সভা তথা কৰ্মশালাখন  স্বাস্থ্য মন্ত্ৰী কেশৱ মহন্তই উদ্বোধন কৰে৷ 
প্ৰতিখন জিলাৰে যুটীয়া স্বাস্থ্য সেৱা সঞ্চালক, শিশু আৰু মাতৃ স্বাস্থ্যৰ জিলা ন’ডেল বিষয়া, ডি পি এম আৰু এন এইচ এমৰ অধীনৰ জিলা কাৰ্যসূচী ব্যৱস্থাপনা গোটৰ কাৰ্যবাহীসকলক লৈ  কৰ্মশালাখন আয়োজন কৰা হৈছে৷
কৰ্মশালাত অসমত নৱজাতক আৰু প্ৰসূতি-মাতৃৰ লগতে নাগৰিকসকলৰ জীৱন সুৰক্ষিত কৰিবলৈ ৰাজহুৱা স্বাস্থ্য সেৱাৰ মান অধিক উন্নত কৰাত সকলোৱেই বিশেষ মনোযোগ দিয়াৰ ওপৰত আলোচনা কৰা হয়৷ 
উল্লেখ্য যে নৱজাতক আৰু প্ৰসূতিৰ মৃত্যুৰ হাৰ হ্ৰাসকৰণ আৰু সুৰক্ষিত প্ৰাতিষ্ঠানিক সন্তান প্ৰসৱ আদি বিষয়ৰ লগতে ৰাজহুৱা স্বাস্থ্য বিষয়ক অন্যান্য দিশসমূহো এই কৰ্মশালাত গুৰুত্বসহকাৰে চৰ্চা কৰি এই ক্ষেত্ৰত আগন্তুক দিনত অধিক ফলপ্ৰসূ কাৰ্যব্যৱস্থা গ্ৰহণৰ ৰূপৰেখা তৈয়াৰ কৰিব পৰা যাব বুলি স্বাস্থ্য বিভাগে আশা কৰিছে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...