Home Daily news ৰাজ্যত স্থাপন হ’ব দেশৰ প্ৰথমটো নেটৱৰ্কিং চেণ্টাৰ

ৰাজ্যত স্থাপন হ’ব দেশৰ প্ৰথমটো নেটৱৰ্কিং চেণ্টাৰ

ৰাজ্যবাসীৰ বাবে এটা সুখবৰ৷ মহাকাশৰ পৰিৱেশ-পৰিস্থিতিৰ ওপৰত সজাগ দৃষ্টি ৰখাৰ উদ্দেশ্যে ভাৰতীয় মহাকাশ গৱেষণা কেন্দ্ৰ চমুকৈ ইছৰ’ৱে অসমত স্থাপন কৰিব নেটৱৰ্ক ফৰ স্পেচ অবজেক্ট ট্ৰেকিং এণ্ড এনালাইচিছ বা নেত্ৰ নামৰ ৰাডাৰ৷ ইছৰ’ৱে দেশৰ প্ৰথমটো নেটৱৰ্কিং ৰাডাৰ স্থাপন কৰিব অসমত৷ প্ৰস্তাৱিত ইছৰ’ৰ এই অভিলাষী প্ৰকল্প ৰাডাৰ কেন্দ্ৰ স্থাপনৰ বাবে ৰাজ্য চৰকাৰে কামৰূপ জিলাৰ চন্দ্ৰপুৰৰ এডোখৰ ভূমি নিৰ্বাচন কৰিছে৷ ৰাজ্য চৰকাৰে উক্ত মাটিডোখৰ প্ৰস্তাৱিত স্থান হিচাপে বছনি কৰি ইছৰ’ৰ বিবেচনাৰ বাবে প্ৰস্তাৱ আগবঢ়াইছে৷ ৰাজ্য চৰকাৰৰ বিজ্ঞান আৰু প্ৰযুক্তিবিদ্যা, জলবায়ু পৰিৱৰ্তন বিভাগৰ মন্ত্ৰী কেশৱ মহন্তই চন্দ্ৰপুৰৰ তাপবিদ্যুৎ প্ৰকল্পস্থলীৰ প্ৰকল্পটোৰ বাবে উপযুক্ত স্থান হ’ব বুলি বিবেচনা কৰাত উক্ত স্থান পৰিদৰ্শন কৰে৷ কেশৱ মহন্তৰ উক্ত স্থান পৰিদৰ্শনৰ সময়ত তেওঁৰ লগত থাকে অসম ৰাজ্যিক মহাকাশ প্ৰায়োগিক কেন্দ্ৰৰ সঞ্চালক পি এল ৰাজু, শ্বিলংস্থিত ইছৰ’ৰ অধীনস্থ উত্তৰ-পূব মহাকাশ প্ৰায়োগিক কেন্দ্ৰপ বিজ্ঞানী আৰ কে দাসৰ লগেত স্থানীয় চক্ৰ বিষয়া৷ উল্লেখ্য যে ইছৰ’ৱে মহাকাশত ইতিমধ্যে পৰিত্যক্ত হৈ পৰা বিভিন্ন দেশৰ কৃত্ৰিম উপগ্ৰহ আদি মহাকাশৰ আৱৰ্জনা আৰু গ্ৰহাণুপুঞ্জৰে সংৰ্ঘৰ্ষৰ আশংকা আদিৰ পৰা দেশীয় কৃত্ৰিম উপগ্ৰহ তথা মহাকাশ উপকৰণকে ধৰি ভাৰতীয় মহাকাশ সম্পদক সুৰক্ষিত কৰি ৰখা আৰু মহাকাশ প্‌ৰিস্থিতিৰ পৰিৱৰ্তন আদি দিশত সজাগ হৈ থাকিব পৰাকৈ ইতিমধ্যে প্ৰতিষ্ঠা কৰা ৰাডাৰ পৰিস্থিতিগত সজাগতা আৰু ব্যৱস্থাপনা সঞ্চালকালয়ৰ অধীনত অসমতো নেত্ৰ ৰাডাৰ স্থাপন কৰিবলৈ লোৱা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,