Home Daily news ৰাজ্যত পুনৰ দ্ৰুতগতিত বৃদ্ধি ক’ভিডৰ সংক্ৰমণ

ৰাজ্যত পুনৰ দ্ৰুতগতিত বৃদ্ধি ক’ভিডৰ সংক্ৰমণ

ৰাজ্যত ক’ভিডৰ সংক্ৰমণ দ্ৰুতগতিত বৃদ্ধি পাইছে৷ আঠ জুলাইত ৰাজ্যখনত ক’ভিডত আক্ৰান্ত হৈছে মুঠ ২৭৩জনকৈ লোক৷ অৱশ্যে ক’ভিডৰ এই সংক্ৰমণক লৈ আতংকিত হোৱাৰ কোনো প্ৰয়োজন নাই বুলি মত প্ৰকাশ কৰিছে স্বাস্থ্য মন্ত্ৰী কেশৱ মহন্তই৷ 
মন্ত্ৰীজনৰ মতে, ক’ভিডৰ সৈতে যুঁজ দিব পৰাকৈ ৰাজ্য চৰকাৰখন সম্পূৰ্ণৰূপে সাজু হৈ আছে৷ আনহাতে সম্প্ৰতি ৰাজ্যখনত ক’ভিডৰ যিটো ভেৰিয়েণ্টৰ সংক্ৰমণ চলি আছে উক্ত ভেৰিয়েণ্টটো যথেষ্ট দুৰ্বল বুলি উল্লেখ কৰি তেওঁ লগতে কয় যে ৰাজ্যৰ প্ৰায়সংখ্যক লোকেই ইতিমধ্যে দুয়োপালি ক’ভিডৰ ভেক্‌চিন গ্ৰহণ কৰিছে৷ 
সেয়েহে ক’ভিডৰ সংক্ৰমণক লৈ আতংকিত হোৱাৰ কোনো প্ৰয়োজন নাই৷ ইফালে গুৱাহাটী চিকিৎসা মহাবিদ্যালয় হাস্পতালৰ অধ্যক্ষ ডাঃ অচ্যুত কুমাৰ বৈশ্যই ক’ভিডৰ সংক্ৰমণৰ প্ৰতি লক্ষ্য ৰাখি সকলোকে সজাগ আৰু সচেতন হৈ থকাৰ বাবে আহ্বান জনাইছে৷ তেওঁ কয় যে আতংকিত হোৱাৰ প্ৰয়োজন নাই, সকলো সতৰ্ক হৈ থাকক৷ 
উল্লেখ্য যে ৰাজ্যখনত শেহতীয়াকৈ ক’ভিডৰ সংক্ৰমণ বৃদ্ধি পাবলৈ ধৰিছে৷ সকলোতকৈ অধিক লোক আক্ৰান্ত হৈছে কামৰূপ মহানগৰ জিলাত৷ আঠ জুলাইত ৰাজ্যখনত নতুনকৈ আক্ৰান্ত হোৱা মুঠ ২৭৩জন লোকৰ ভিতৰত কামৰূপ মহানগৰ জিলাতে আক্ৰান্ত হৈছে ১০০জনকৈ লোক৷ ইফালে যোৱা এটা পষেক পূৰ্বে ৰাজ্যখনত ক’ভিডৰ সংক্ৰমণৰ হাৰ দুই শতাংশৰ তলত আছিল যদিও এই হাৰ বৃদ্ধি পাই হৈছেগৈ ১০.৩৮ শতাংশ৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,