Home Daily news ৰাজ্যত দৈনিক গড়ে সংঘটিত হয় ২১টাকৈ পথ দুৰ্ঘটনা

ৰাজ্যত দৈনিক গড়ে সংঘটিত হয় ২১টাকৈ পথ দুৰ্ঘটনা

একপ্ৰকাৰ মৃত্যুদূতলৈ পৰিণত হৈছে ৰাজ্যৰ ঘাইপথসমূহ৷ যাৰ বাবে ৰাজ্যখনত নিতৌ ভয়াৱহ ৰূপত বৃদ্ধি পাবলৈ ধৰিছে পথ দুৰ্ঘটনাৰ সংখ্যা৷ যোৱা চাৰি বছৰতে ৰাজ্যখনত সংঘটিত হৈছে মুঠ ৩০,৩৫৮টা পথ দুৰ্ঘটনা৷ 
অৰ্থাৎ আজিৰ তাৰিখত ৰাজ্যখনত দৈনিক গড়ে ২১টাকৈ পথ দুৰ্ঘটনা সংঘটিত হ’বলৈ ধৰিছে৷ ৰাজ্যবাসীৰ বাবে অত্যন্ত উদ্বেগজনক এই তথ্য প্ৰকাশ কৰিছে খোদ কেন্দ্ৰীয় চৰকাৰে৷ কেন্দ্ৰীয় পথ পৰিবহণ আৰু ৰাষ্ট্ৰীয় ঘাইপথ বিভাগে প্ৰকাশ কৰা তথ্য অনুসৰি ২০১৭ চনত ৰাজ্যখনত ৭১৭০টা, ২০১৮ চনত ৮২৪৮টা, ২০১৯ চনত ৮৩৫০টা আৰু ২০২০ চনত ৬৫৯০টা পথ দুৰ্ঘটনা সংঘটিত হৈছে৷ 
আনহাতে তিনি বছৰত ৰাজ্যখনত পথ দুৰ্ঘটনাত নিহত হৈছে ৪৬৯৫জন লোক৷ অৰ্থাৎ দৈনিক ৰাজ্যখনত পথ দুৰ্ঘটনাত নিহত হোৱা লোকৰ সংখ্যা হৈছে প্ৰায় পাঁচজন৷ 
উল্লেখ্য যে ৰাজ্যখনত প্ৰতিদিনে সংঘটিত হোৱা এই দুৰ্ঘটনাসমূহৰ ভিতৰত প্ৰায় দুটা দুৰ্ঘটনাই সংঘটিত হয় সুৰাপান কৰি গাড়ী চলোৱাৰ বাবে৷ ইফালে ৰাজ্যখনত পথ দুৰ্ঘটনাৰ এটা প্ৰধান কাৰণ হৈছে পথসমূহৰ দুৰৱস্থা৷ 
ৰাজ্যৰ ব্ৰহ্মপুত্ৰৰ দুয়োপাৰে উজনি অসমলৈ যোৱা ৰাষ্ট্ৰীয় ঘাইপথছোৱাৰ অৱস্থা সম্প্ৰতি অতিশয় শোচনীয় হৈ পৰিছে৷ যাৰ ফলত নিতৌ এইছোৱা পথত বৃদ্ধি পাবলৈ ধৰি পথ দুৰ্ঘটনাৰ সংখ্যা৷ যদিহে এই ক্ষেত্ৰত চৰকাৰে কোনোধৰণৰ ব্যৱস্থা গ্ৰহণ নকৰে, তেনেহ’লে ৰাজ্যখনত পথ দুৰ্ঘটনাৰ ফলত অকালতে প্ৰাণ হেৰুওৱা লোকৰ সংখ্যা নিতৌ বৃদ্ধি পাই গৈ থাকিব৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...