Home Daily news ৰাজ্যত ক’ভিডৰ সকলো নিষেধাজ্ঞা প্ৰত্যাহাৰ

ৰাজ্যত ক’ভিডৰ সকলো নিষেধাজ্ঞা প্ৰত্যাহাৰ

প্ৰায় এটা বছৰৰ পাছত ১৫ ফেব্ৰুৱাৰীৰ পৰা ৰাজ্যত পুনৰ স্বাভাৱিক জীৱন-যাত্ৰা আৰম্ভ হয়৷ ক’ভিডসৃষ্ট পৰিস্থিতিৰ বাবে বিগত এটা বছৰে বিভিন্ন বাধ্যবাধকতাৰ মাজেৰে জীৱন অতিবাহিত কৰিবলগীয়া হোৱা ৰাজ্যবাসীয়ে ১৫ ফেব্ৰুৱাৰীৰ পৰা পুনৰ স্বাভাৱিক জীৱন আৰম্ভ কৰে৷ চলিত মাহত ৰাজ্যৰ ক’ভিড পৰিস্থিতি পুনৰ স্বাভাৱিক হ’বলৈ আৰম্ভ কৰাৰ বাবে চৰকাৰে ১৫ ফেব্ৰুৱাৰীৰ পৰা ক’ভিডৰ বাবে জাৰি কৰা সকলো নিষেধাজ্ঞা প্ৰত্যাহাৰ কৰিছে৷ মুখ্যমন্ত্ৰী ড॰ হিমন্ত বিশ্ব শৰ্মাই ১৫ ফেব্ৰুৱাৰীৰ পৰা ৰাজ্যত ক’ভিডৰ কোনো নিষেধাজ্ঞা নাথাকিব বুলি ঘোষণা কৰে৷ অৱশ্যে জনসাধাৰণে মাস্ক পৰিধান কৰাটো বাধ্যতামূলক হোৱাৰ উপৰি লগত ছেনিটাইজাৰ ৰাখিব লাগিব আৰু দুয়োপালি ক’ভিড ভেক্‌চিন গ্ৰহণ কৰাৰ ক্ষেত্ৰত নিৰ্ধাৰিত নীতি-নিয়ম মানি চলিব লাগিব৷ ৰাজহুৱা স্থানত সকলোৰে বাবে মাস্ক আৰু দুয়োপালি ভেক্‌চিনৰ প্ৰমাণপত্ৰ বাধ্যতামূলক হৈয়ে থাকিব৷ ৰাজহুৱা পৰিবহণ ব্যৱস্থাতো যাত্ৰীৰ ক’ভিড পৰীক্ষা প্ৰত্যাহাৰ কৰা হৈছে৷ একেদৰে চিকিৎসালয়লৈ চিকিৎসা বা স্বাস্থ্য পৰীক্ষা কৰিবলৈ যোৱা ৰোগীসকলৰ ক্ষেত্ৰতো বাধ্যতামূলক হৈ থকা ক’ভিড পৰীক্ষা প্ৰত্যাহাৰ কৰা হৈছে৷ অৱশ্যে ইয়াতো লক্ষণ থকা ৰোগীসকলে চিকিৎসাজনিত কাৰণত স্বেচ্ছাই ক’ভিড পৰীক্ষা কৰোৱাবলৈ আহবান জনোৱা হৈছে৷ ক’ভিডৰ সকলো নিষেধাজ্ঞা প্ৰত্যাহাৰ কৰাৰ পাছত ৰাজ্যত নৈশ সান্ধ্য আইনো নাথাকিব৷ ব্যৱসায়ীসকলে নিজৰ ইচ্ছামতে ব্যাৱসায়িক প্ৰতিষ্ঠান বন্ধ কৰিব পাৰিব৷ ইয়াৰ মাজতে কিছুসংখ্যক প্ৰতিষ্ঠানৰ অনুজ্ঞাপত্ৰ প্ৰদানৰ সময়তে চৰকাৰ বা প্ৰশাসনে সময় নিৰ্ধাৰণ কৰি দিয়ে৷ তেনে প্ৰতিষ্ঠানে নিৰ্ধাৰিত সময়মতে প্ৰতিষ্ঠান বন্ধ কৰিব লাগিব৷ ১৫ ফেব্ৰুৱাৰীৰ পৰা শিক্ষানুষ্ঠানসমূহে সকলো শ্ৰেণীৰ অফলাইন পাঠদান আৰম্ভ কৰিবলৈও নিৰ্দেশনা দিয়া হৈছে৷ আনহাতে ৰাজ্যত চিনেমা হল, থিয়েটাৰ আদিও সম্পূৰ্ণ দৰ্শকেৰে খুলিলে৷ একেদৰে ৰাজহুৱা-সামাজিক অনুষ্ঠান আদিতো নাথাকে কোনো বাধ্যবাধকতা৷ বিবাহ, অভ্যৰ্থনা, অন্ত্যেষ্টিক্ৰিয়া আদিৰ উপৰি জিম, ছুইমিং পুল আদিতো ক’ভিডৰ কোনো বাধ্যবাধকতা নাই৷ সাপ্তাহিক বা দৈনিক বজাৰো নিয়মীয়াকৈ হয়৷ একেদৰে চৰকাৰী-বেচৰকাৰী কাৰ্যালয়ো কোনে বাধা অবিহনে খোল খালে৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...