Home Daily news ৰাজ্যত এতিয়া ইথানল মিশ্ৰিত পেট্ৰল

ৰাজ্যত এতিয়া ইথানল মিশ্ৰিত পেট্ৰল

ৰাজ্যৰ এতিয়া পেট্ৰল পাম্পসমূহত ইথানল মিহলি পেট্ৰল বিক্ৰী কৰি থকা হৈছে৷ ইফালে ৰাজ্যৰ প্ৰায়সংখ্যক পেট্ৰল পাম্পতে ইথানল মিহলি নকৰা সাধাৰণ পেট্ৰল ক্ৰমাৎ নোহোৱা হৈ পৰিছে৷ যাৰ ফলত গ্ৰাহকসকলে ইথানল মিহলি পেট্ৰলকে ক্ৰয় কৰিবলৈ বাধ্য হৈছে৷ মন কৰিবলগীয়া কথা যে ইথানল মিহলি পেট্ৰল ভৰোৱাৰ ফলত বাহনসমূহৰ ‘মাইলেজ’ হ্ৰাস পোৱা বুলিও বহুসংখ্যক লোকে অভিযোগ উত্থাপন কৰিছে৷ একেদৰে ইথানল মিহলি পেট্ৰল  দীৰ্ঘদিন ব্যৱহাৰ কৰাৰ ফলত অসমৰ জলবায়ুত পুৰণি বাহনসমূহৰ ইঞ্জিন ক্ষতি হোৱাৰ সম্ভাৱনাৰ কথাও ব্যক্ত কৰিছে একাংশ লোকে৷ আনকি পেট্ৰলত যে দহ শতাংশ ইথানল মিহলি কৰা হৈছে সেই সন্দৰ্ভতো কোনোধৰণৰ প্ৰচাৰ চলোৱা হোৱা নাই৷  সকলোতকৈ ডাঙৰ কথা যে ভাৰতত এতিয়াও ইথানল মিহলি ইন্ধনেৰে চলা গাডী. নিৰ্মাণ হোৱা নাই৷ সেয়েহে বিশেষজ্ঞসকলে কেন্দ্ৰীয় চৰকাৰক পৰ্যায়ক্ৰমে ২০২৫ চনৰ ভিতৰত ১০ শতাংশ আৰু ২০৩০ চনৰ ভিতৰত ২০ শতাংশলৈ  ইথানলৰ মাত্ৰা বৃদ্ধি কৰাৰ লগতে ইথানল মিহলি ইন্ধনৰ উপযোগী গাড়ীৰ ইঞ্জিন নিৰ্মাণ কৰাৰ বাবে পৰামৰ্শ দিছিল৷ কিন্তু এই পৰাৰ্মশক কোনো গুৰুত্বই দিয়া নহ’ল৷ যাৰ ফলত অনাগত দিনত ভয়ংকৰ সমস্যাৰ সন্মুখীন হ’ব লাগিব গাড়ীৰ গৰাকীসকল৷ উল্লেখ্য যে আজিৰ দিনটোত পেট্ৰলৰ মূল্যতে গ্ৰাহকসকলে কিনিব লগা হৈছে ইথানল মিশ্ৰিত পেট্ৰল৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...