Home Daily news ৰাজ্যত অধিক মেডিকেল কলেজ স্থাপনৰ সন্দৰ্ভত কি ক’লে মুখ্যমন্ত্ৰীয়ে ?

ৰাজ্যত অধিক মেডিকেল কলেজ স্থাপনৰ সন্দৰ্ভত কি ক’লে মুখ্যমন্ত্ৰীয়ে ?

মুখ্যমন্ত্ৰী ড॰ হিমন্ত বিশ্ব শৰ্মাই কলিয়াবৰৰ জখলাবন্ধাত আনুষ্ঠানিকভাৱে মুকলি কৰে নৱনিৰ্মিত কলিয়াবৰ মহকুমা অসামৰিক চিকিৎসালয়খন৷ উদ্বোধনী অনুষ্ঠানৰ আৰম্ভণিতে মুখ্যমন্ত্ৰীয়ে গায়ন-বায়নৰ খোল, তাল, দবা, শংখৰ ঝংকাৰত স্বাস্থ্য মন্ত্ৰী কেশৱ মহন্ত, পৰিবহণ মন্ত্ৰী পৰিমল শুক্লবৈদ্যৰ উপস্থিতিত নৱনিৰ্মিত চিকিৎসালয়খন বন্তি প্ৰজ্বলন কৰি উদ্বোধন কৰে৷ সভাখনত ভাষণ দি মুখ্যমন্ত্ৰী ড॰ শৰ্মাই ৰাইজক উদ্দেশ্যি কয় যে এই চিকিৎসালয়খনকে শীঘ্ৰে  দুশখন বিছনাৰে জিলা চিকিৎসালয়লৈ উন্নীত কৰাৰ আঁচনি লৈছোঁ৷ তেওঁ আৰু কয় যে অসমত তিনিখন মেডিকেল কলেজৰ পৰা এতিয়া নখনলৈ বৃদ্ধি পালে৷ 
অহা বছৰত অসমত আৰু তিনিখন মেডিকেল কলেজ স্থাপন কৰাৰ কথা চিন্তা কৰিম৷ আমাৰ কাৰ্যকালৰ ভিতৰত অৰ্থাৎ ২০২৬ চনৰ ভিতৰত অসমত সৰ্বমুঠ ১৬ খন মেডিকেল কলেজ কৰাৰ চিন্তা-চৰ্চা কৰা হৈছে৷ ২০৩০ চনৰ ভিতৰত ২৪ খন মেডিকেল কলেজ নিৰ্মাণ কৰাৰ পৰিকল্পনা আছে চৰকাৰৰ৷ পূৰ্বতে অসমত মাত্ৰ এখন কেঞ্চাৰ হস্পিটেল আছিল  বুলি উল্লেখ কৰি তেওঁ কয় যে ইয়াৰ পাছত গৈ গৈ আমি অসমত  আৰু জ্জখন কেঞ্চাৰ হস্পিটেল নিৰ্মাণৰ কাম আৰম্ভ কৰিছোঁ৷ এতিয়া সৰ্বমুঠ নখন কেঞ্চাৰ হস্পিটেল হ’লগৈ৷ এই বিত্তীয় বৰ্ষৰ ভিতৰত আৰু তিনিখন কেঞ্চাৰ হস্পিটেল নিৰ্মাণৰ কাম হাত লৈছোঁ৷ অহা তিনিটা বছৰৰ ভিতৰত মুঠ ১৮খন কেঞ্চাৰ হস্পিটেল নিৰ্মাণ কৰিব খোজা বুলিও তেওঁ লগতে ভাষণত মন্তব্য কৰে৷ ৰেছন কাৰ্ড থকা প্ৰতিটো পৰিয়ালকে আয়ুষ্মান ভাৰতৰ কাৰ্ড দিয়াৰ পৰিকল্পনা কৰা বুলি তেওঁ উল্লেখ কৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,