Home Daily news ৰবাব টেঙাৰ বাকলিৰ পৰা কেণ্ডী প্ৰস্তুত : ৰাষ্ট্ৰীয় পৰ্যায়লৈ নিৰ্বাচিত

ৰবাব টেঙাৰ বাকলিৰ পৰা কেণ্ডী প্ৰস্তুত : ৰাষ্ট্ৰীয় পৰ্যায়লৈ নিৰ্বাচিত

৩০সংখ্যক ৰাষ্ট্ৰীয় শিশু বিজ্ঞান সমাৰোহৰ তেজপুৰত অনুষ্ঠিত ৰাজ্যিক সমাৰোহত যোৰহাট জিলাৰ পৰা বনাই উচ্ছ মাধ্যমিক বিদ্যালয়ৰ নৱম শ্ৰেণীৰ নীহাৰ দত্ত ৰাষ্ট্ৰীয় পৰ্যায়ত অংশগ্ৰহণৰ কাৰণে নিৰ্বাচিত হৈছে৷ ৰবাব টেঙাৰ বাকলিৰ পৰা অসমীয়া কেণ্ডী প্ৰস্তুত কৰা প্ৰকল্পৰে তেওঁ ৰাষ্ট্ৰীয় পৰ্যায়লৈ নিৰ্বাচিত হয়৷ তেওঁৰ প্ৰকল্পৰ তত্ত্বাৱধায়ক বিদ্যালয়খনৰ শিক্ষক প্ৰাঞ্জল বৰা আৰু সহযোগী আছিল অবিনাশ তামুলী৷ যোৰহাটৰ পৰা এঘাৰজন শিশু বিজ্ঞানীয়ে এঘাৰটা প্ৰকল্প  ৰাজ্যিক সমাৰোহত উপস্থাপন কৰিছিল৷ সমাৰোহত ৩১খন জিলাৰ ২৭১টা প্ৰকল্প উপস্থাপন হৈছিল আৰু ৪টা প্ৰকল্প ৰাষ্ট্ৰীয়  পৰ্যায়লৈ নিৰ্বাচিত হয়৷ যোৰহাট জিলাৰ সমন্বয়ক ধীৰেন্দ্ৰ কুমাৰ গগৈ আৰু শৈক্ষিক সমন্বয়ক হেমেন কুমাৰ শইকীয়াৰ তত্ত্বাৱধানত যোৱা শিশু বিজ্ঞানীসকল হ’ল বনাই হাইস্কুলৰ নীহাৰ দত্ত, শ্ৰৱন্তীৰাণী শৰ্মা, টীয়ক জ্যোতি বিদ্যাপীঠৰ অৰিন্দমপ্ৰাণ শইকীয়া,মহেশ্বৰ বৰকটকী উচ্চ
তৰ মাধ্যমিক বিদ্যালয়ৰ অনন্যা গগৈ, নকছাৰি উচ্ছতৰ মাধ্যমিক বিদ্যালয়ৰ ফাৰনাজ বেগম, বামুণপুখুৰী  হাইস্কুলৰ ঈশানজ্যোতি হাজৰিকা, কেন্দুগুৰি জাতীয় বিদ্যালয়ৰ অলিম্পিয়া বৰা, অনুসূচিত  জাতি নেপালী জনজাতি হাইস্কুলৰ ৰাহুল চেত্ৰী, পি এম ধলাজান উচ্চ
 মাধ্যমিকৰ দীপ্তি ৰজক, সীমান্তৱৰ্তী জনজাতীয় হাইস্কুলৰ বিজয়ন্তী ওৰাং আৰু ফুলবাৰী হাইস্কুলৰ বিকাশ শইকীয়া৷ যোৰহাট জিলা দলটোৰ তত্ত্বাৱধায়ক শিক্ষকৰূপে বনাই আৰু মহেশ্বৰ বৰকটকী বিদ্যালয়ৰ শিক্ষক প্ৰাঞ্জল বৰা, ৰশ্মিৰেখা ভৰালীয়ে দায়িত্ব বহন কৰিছিল৷ ৰাষ্ট্ৰীয় পৰ্যায়ৰ শিশু বিজ্ঞান সমাৰোহ ২৭-৩১ জানুৱাৰীলৈ আহমেদাবাদত অনুষ্ঠিত হ’ব৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...