Home Fitness Plus ৰন্ধা ব্যঞ্জনখনত অত্যধিক নিমখ হ’লে কি কৰিব?

ৰন্ধা ব্যঞ্জনখনত অত্যধিক নিমখ হ’লে কি কৰিব?

প্ৰত্যেকদিনে ৰন্ধাৰ অভিজ্ঞতা থকা কাৰণে আপুনি বনোৱা ব্যঞ্জনবোৰত নিমখৰ পৰিমাণক লৈ খুব বেছি চিন্তাৰ কাৰণ নাই৷ কাৰণ নিমখৰ পৰিমাণটো মোটামুটি হিচাপে এটা অনুমান কৰিব ল’ব পৰা হয়৷ কিন্তু তাৰ মাজতো কেতিয়াবা তৰকাৰী বা অন্য আঞ্জাত নিমখৰ পৰিমাণ বেছি হ’লে খোৱাৰ অনুপযোগী হৈ পৰে৷ কথাতে আছে বোলে আঞ্জাখন যিমানে সোৱাদ নহওক লাগিলে বোলে নিমখৰ পৰিমাণ সমান নহ’লে সকলো অনৰ্থক৷ এনেধৰণৰ দুৰ্ঘটনা যদি এদিনীয়া আলহীক আপুনি এসাজ খাবলৈ নিমন্ত্ৰণ দিওঁতে হয়, এনে পৰিস্থিতিত আপুনি হয়তো উৱাদিহ হেৰুৱাব৷ ৰ’ব, চিন্তাৰ কোনো কাৰণ নাই৷ কিয়নো এনে সমস্যাৰ সমাধান আপোনাৰ হাততে আছে৷ আঞ্জাত নিমখ বেছি হ’লে কি কৰিব সেয়া জানো আহক৷
তৰকাৰী বা দাইলত অতিৰিক্ত নিমখ হ’লে আপুনি এটা আলু সিদ্ধ কৰি গোটে গোটে আলুটো সেই ব্যঞ্জনখিনি পেলাই দিয়ক৷ দেখিব নিমখৰ পৰিমাণ সমতুল হৈছে৷ কাৰণ আলুটোৱে আঞ্জাখিনিৰ লৱণখিনি শোষণ কৰি লৈছে৷
আন এটা উপায় হ’ল বেছি নিমখ হোৱা আঞ্জাত ময়দা পানীত গুলি লৈ সৰু সৰু বলৰ দৰে কৰি পেলাই দিয়ক৷ নিমিষতে আঞ্জাখনৰ অতিৰিক্ত নিমখ নোহোৱা হ’ব৷
ইয়াৰ উপৰি অতিৰিক্ত নিমখ হোৱা ব্যঞ্জনখনত কেঁচা পিঁয়াজ দিব পাৰে৷ এটা পিঁয়াজ টুকুৰা টুকুৰকৈ কাটি বেছি নিমখ হোৱা আঞ্জাখনত পেলাই দিয়ক৷ পিঁয়াজে অতিৰিক্ত নিমখ শোষণ কৰি নিমখৰ পৰিমাণ জোখৰ কৰিব৷
অত্যধিক নিমখ বেছি হোৱা তৰকাৰীত গাখীৰ মিহলাব পাৰে৷ গাখীৰে আঞ্জাখনত নিমখৰ পৰিমাণ কমোৱাৰ উপৰি আঞ্জাখনৰ সোৱাদ বৃদ্ধিতো অৰিহণা যোগায়৷
মাছৰ ব্যঞ্জানৰ ক্ষেত্ৰত নিমখ বেছি হ’লে বিলাহী দিব পাৰে৷ ইয়ে সোৱাদ বঢ়োৱাৰ লগতে নিমখৰ পৰিমাণো কমায়৷
টকজাতীয় ব্যঞ্জনত নিমখ বেছি হ’লে চেনি অলপ মিহলাই দিলে নিমখৰ পৰিমাণ কমি যায়৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...