Home Daily news ৮১ শতাংশ ছাত্ৰ-ছাত্ৰীৰ উদ্বেগৰ প্ৰধান কাৰণ কি জানেনে ?

৮১ শতাংশ ছাত্ৰ-ছাত্ৰীৰ উদ্বেগৰ প্ৰধান কাৰণ কি জানেনে ?

এন চি ই আৰ টিয়ে ছাত্ৰ-ছাত্ৰীসকলৰ মানসিক স্বাস্থ্য আৰু সুস্থতাৰ বিষয়ে চলোৱা এটা জৰীপৰ ফল প্ৰকাশ কৰা হয়৷ জৰীপৰ মতে অধ্যয়ন, পৰীক্ষা আৰু পৰীক্ষাৰ ফল স্কুলীয়া ছাত্ৰ-ছাত্ৰীসকলৰ মাজত উদ্বেগৰ প্ৰধান কাৰণ, আনহাতে ৩৩ শতাংশৰো অধিক ছাত্ৰ-ছাত্ৰীয়ে অধিকাংশ সময়তে সহপাঠীৰ হেঁচা মানে৷ জৰীপটোত কোৱা হৈছে যে কমেও ৭৩ শতাংশ ছাত্ৰ-ছাত্ৰী তেওঁলোকৰ স্কুলীয়া জীৱনক লৈ সন্তুষ্ট৷ আনহাতে ৪৫ শতাংশৰো অধিক ছাত্ৰ-ছাত্ৰী তেওঁলোকৰ চেহেৰাক [বডী ইমেজ] লৈ সন্তুষ্ট নহয়৷ এন চি ই আৰ টিয়ে ৩৬খন ৰাজ্য আৰু কেন্দ্ৰীয় শাসিত অঞ্চলৰ ৩.৭৯ লাখৰো অধিক ছাত্ৰ-ছাত্ৰীৰ মাজত জৰীপ চলাইছিল৷ স্কুলীয়া ছাত্ৰ-ছাত্ৰীসকলৰ মানসিক স্বাস্থ্য আৰু সুস্থতা সম্পৰ্কীয় দিশবোৰৰ বিষয়ত স্কুলীয়া ছাত্ৰ-ছাত্ৰীসকলৰ ধাৰণা বুজি পোৱাত সহায় কৰিবলৈ এন চি ই আৰ টিৰ মনোদৰ্পণ চে’লে এই জৰীপ চলাইছিল৷ 
এই বছৰৰ জানুৱাৰীৰ পৰা মাৰ্চলৈ ছাত্ৰ-ছাত্ৰীসকলৰ মাজত দুটা ভাগত– মিডল্‌ ষ্টেজ [৬-৮] আৰু ছেকেণ্ডেৰী ষ্টেজ [৯-১২] জৰীপ চলোৱা হৈছিল৷ ৮১ শতাংশ ছাত্ৰ-ছাত্ৰীয়ে কয় যে তেওঁলোকৰ উদ্বেগৰ প্ৰধান কাৰণবোৰ হ’ল– অধ্যয়ন, পৰীক্ষা আৰু পৰীক্ষাৰ ফল৷ জৰীপত সোধা প্ৰশ্নবোৰৰ উত্তৰ দিয়া ৪৩ শতাংশ ছাত্ৰ-ছাত্ৰীয়ে স্বীকাৰ কৰে যে তেওঁলোক পৰিৱৰ্তনৰ সৈতে তৎক্ষণাৎ খাপ খাই পৰিব পাৰে৷ ছেকেণ্ডেৰী ষ্টেজতকৈ [৪১ শতাংশ] মিডল্‌ ষ্টেজৰ ছাত্ৰ-ছাত্ৰীসকল পৰিৱৰ্তনত বেছি সোনকালে খাপ খাই পৰিব পৰে [৪৬ শতাংশ]৷ মুঠ ৫১ শতাংশ ছাত্ৰ-ছাত্ৰী অনলাইনত শিক্ষা গ্ৰহণত অসুবিধাৰ সন্মুখীন হয়৷ জৰীপটোৰ মতে ২৮ শতাংশ ছাত্ৰ-ছাত্ৰীয়ে প্ৰশ্ন সুধিবলৈ সংকোচ কৰে৷ চাপ চম্ভালিবলৈ ছাত্ৰ-ছাত্ৰীসকলে যোগাভ্যাস আৰু ধ্যান কৰে, চিন্তাৰ ধৰণ সলনি কৰিবলৈ চেষ্টা চলায় আৰু আলোচনীত লিখে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,