Home Beauty Plus ৫০ বছৰতো ২৫ বছৰীয়া যেন দেখিবলৈ ছালৰ কিদৰে যতন ল’ব ?

৫০ বছৰতো ২৫ বছৰীয়া যেন দেখিবলৈ ছালৰ কিদৰে যতন ল’ব ?

সাধাৰণতে আমাৰ বয়স বঢ়াৰ লগে লগে প্ৰথমেই ছালখনৰ সৌন্দৰ্যত আঘাত পৰে৷ ছালখন শোতোৰা-মোতোৰা হয়, বলিৰেখা পৰে, ছালৰ সুস্থতা নাইকিয়া হয়; ছালত বয়সৰ চাপ পৰে৷ সেয়ে ছালৰ ক্ষেত্ৰত বিশেষকৈ মহিলাসকলে যতন লোৱা দেখা যায়৷ আনহাতে কোৰিয়ানসকলৰ ছাল তথা ৰূপচৰ্চাৰ বিষয়ে সমগ্ৰ পৃথিৱীতেই জনাজাত৷ কোৰিয়ানসকলৰ বয়স বাঢ়িলেও ছালৰ কোনোধৰণৰ প্ৰভাৱ পৰা পৰিলক্ষিত নহয়৷ ছালৰ যতনৰ ক্ষেত্ৰত বিভিন্ন কোম্পানীৰ বিউটি প্ৰডাক্ট ব্যৱহাৰ কৰে যদিও এইবোৰত ৰাসায়নিক মিশ্ৰণ বহুলভাৱে ব্যৱহূত হোৱা বাবে ছালৰ ক্ষতি কৰাৰ সম্ভাৱনা থাকে৷ এখন সুন্দৰ, উজ্জ্বল, নিমজ ছাল পাবলৈ কম খৰচতে ঘৰুৱাভাৱে কি ব্যৱহাৰ কৰিব জানো আহক৷
কেঁচা গাখীৰ ফ্ৰীজত ৰাখি বৰফ হ’বলৈ দিব৷ বৰফ হোৱাৰ পাছত তাৰ পৰা উলিয়াই মুখত লগাওক৷ এইদৰে মুখত লগোৱাৰ ফলত মুখৰ তৈলাক্ত ভাব নোহোৱা হৈ ছালখন পৰিষ্কাৰ হৈ পৰিব৷
চাউল ধোৱাৰ পাছত ওলোৱা পানী তথা চাউল সিদ্ধ কৰাৰ পাছত সেই পানীখিনি ফাৰমেনটেশ্যনৰ বাবে ২-৩ দিন এটা বটলত ৰাখি দিয়ক৷ সেই পানীৰে মুখ চাফা কৰিলে মুখৰ ছাল পৰিষ্কাৰ কৰাৰ লগতে ছালৰ বিন্ধাবোৰ খুলি দিয়ে৷
ছালৰ যত্নৰ বাবে গ্ৰীন টী এটি দৰকাৰী উপাদান৷ এটা পাত্ৰত অলপ পানীত লৈ তাত গ্ৰীন টী লৈ প্ৰথমে গৰম হ’বলৈ দিব৷ ঠাণ্ডা হোৱাৰ পাছত মিশ্ৰণটো মুখত ভালদৰে লগাই দিব৷ ছালৰ উজ্জ্বলতা বঢ়োৱাৰ লগতে ছালৰ দূষিত পদাৰ্থ পৰিষ্কাৰ কৰাত এই মিশ্ৰণে সহায় কৰে৷
মৌ ছালৰ বাবে অত্যন্ত উপকাৰী৷ পুৱা গৰম পানীৰ সৈতে মৌ সেৱন কৰিলে ছালখন সুস্থ ৰখাৰ লগতে ছালৰ উজ্জ্বলতা, সজীৱতা উন্নত কৰে৷
এখন টাৱেল লৈ গৰম পানীত ভিজাই ৰাখক৷ তাৰ পাছত টাৱেলখন পানীৰ পৰা উঠাই টাৱেলত থকা পানীখিনি চেপি উলিয়াই দিয়ক৷ এতিয়া এই ভিজা টাৱেলখন কিছুসময় মুখৰ ওপৰত ৰাখক৷ ছালখনত হোৱা বিভিন্ন সংক্ৰমণ তথা ছালৰ মৃত কোষবোৰ আঁতৰ কৰাত এই পদ্ধতি যথেষ্ট কাৰ্যকৰী৷
    অলপ চাউলৰ গুড়ি লৈ তাত এলোভেৰা জেল মিশ্ৰণ কৰি এটা পেষ্ট তৈয়াৰ কৰক৷ এই মিশ্ৰণটো বিশ মিনিটমান মুখত লগাই পাছত ভালদৰে পৰিষ্কাৰ পানীৰে ধুই দিয়ক৷ ছালখন সতেজ, পৰিষ্কাৰ কৰি ৰখাত এই মিশ্ৰণটোৱে সহায় কৰে৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...