Home Daily news ২০ কোটি টকাৰ নিচাজাতীয় টেবলেট জব্দ মহানগৰীত

২০ কোটি টকাৰ নিচাজাতীয় টেবলেট জব্দ মহানগৰীত

প্ৰায় ২০ কোটি টকা মূল্যৰ ড্ৰাগ্‌ছ সৰবৰাহ কৰোঁতে মণিপুৰ আৰক্ষীৰ জোৱান লেটমীন সিং হাওকী আৰু খাওখুকিং হাওকী নামৰ আন এজন ব্যক্তিক অসম আৰক্ষীয়ে যোৱা ২৪ জুলাইত গুৱাহাটীত গ্ৰেপ্তাৰ কৰে৷ পৰ্যটকৰ বেশ ধৰি মণিপুৰৰ ম’ৰেৰ পৰা ধৃত ব্যক্তিদ্বয়ে নিচাযুক্ত এক লাখ টেবলেট কঢ়িয়াই আনোতে বশিষ্ঠ আৰক্ষীয়ে চোৰাংচোৱাৰ তথ্যৰ ভিত্তিত ৩৭ নম্বৰ ৰাষ্ট্ৰীয় ঘাইপথত অভিযান চলাই গ্ৰেপ্তাৰ কৰিবলৈ সক্ষম হয়৷ মহানগৰ আৰক্ষীৰ যুটীয়া আয়ুক্ত পাৰ্থসাৰথি মহন্তই সদৰী কৰা অনুসৰি ধৃত ব্যক্তিদ্বয়ে পৰ্যটকৰ বেশ লৈ এক লাখ য়াবাহা টেবলেট ম’ৰেৰ পৰা এখন টাটা নেক্সন গাড়ীৰে গুৱাহাটীলৈ কঢ়িয়াই আনিছিল৷ 
গুৱাহাটীৰ পৰা সেই নিচাযুক্ত টেবলেটখিনি বাংগালুৰুলৈ নিয়াৰ কথা আছিল৷ চোৰাংচোৱাই পূৰ্বে তথ্য যোগান ধৰাৰ ফলত মহানগৰ আৰক্ষীয়ে ব্যক্তি দুজনক গ্ৰেপ্তাৰ কৰাৰ লগতে এই বৃহৎ পৰিমাণৰ নিচাযুক্ত ড্ৰাগ্‌ছ জব্দ কৰিবলৈ সক্ষম হয়৷  সম্প্ৰতি ধৃত ব্যক্তিদ্বয়ক মহানগৰ আৰক্ষীৰ জিম্মাত ৰখা হৈছে৷ উল্লেখ্য যে বিগত প্ৰায় ডেৰ বছৰ ধৰি নিচাযুক্ত দ্ৰব্য বা আন চোৰাং সামগ্ৰী সৰবৰাহৰ বিৰুদ্ধে মহানগৰ আৰক্ষীৰ নিৰন্তৰ অভিযান অব্যাহত আছে৷ অসম আৰক্ষীৰ এনে নিৰন্তৰ অভিযানৰ ফলত ড্ৰাগ্‌ছ সৰবৰাহকাৰীসকলে সামগ্ৰী সৰবৰাহৰ সঘনে গতি-বিধি সলনি কৰা আৰম্ভ কৰিছে৷ এইবাৰ আকৌ পৰ্যটকৰ বেশত ড্ৰাগ্‌ছ সৰবৰাহ কৰিছিল৷ মহানগৰ আৰক্ষীৰ এয়া এক বৃহৎ সফলতা বুলি যুটীয়া আৰক্ষী আয়ুক্তগৰাকীয়ে দাবী কৰিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,