Home Daily news সাৱধান ! ৰাজ্যত নতুন ভাইৰাছ কক্সাকীৰ আতংক

সাৱধান ! ৰাজ্যত নতুন ভাইৰাছ কক্সাকীৰ আতংক

ৰাজ্যৰ শিশুসকল এবিধ নতুন ভাইৰাছৰ দ্বাৰা অস্বাভাৱিক সংক্ৰমণৰ কবলত পৰা কাৰ্যত উদ্বিগ্ন হৈ পৰিছে স্বাস্থ্য বিভাগ৷ স্বাস্থ্য বিভাগে এই ৰোগৰ সংক্ৰমণক  লৈ প্ৰতিখন জিলা স্বাস্থ্য বিষয়াক সতৰ্ক কৰি দিয়াৰ লগতে প্ৰতিখন জিলাৰ পৰা এই ৰোগত শিশু আক্ৰান্ত সম্পৰ্কত তথ্য বিচাৰিছে৷ লক্ষণীয় যে অসমত হেণ্ড-ফুট-মাউথ নামৰ এবিধ নতুন ৰোগত শিশুসকল উদ্বেগজনকভাৱে আক্ৰান্ত হৈছে৷ গুৱাহাটীকে ধৰি কেইবাখনো জিলাত এই ভাইৰাছৰ প্ৰাদুৰ্ভাৱ ইতিমধ্যে ধৰা পৰিছে৷ কক্সাকী নামৰ এবিধ ভাইৰাছে এই ৰোগৰ সৃষ্টি কৰে৷ 
লক্ষণীয় যে এই ৰোগত আক্ৰান্ত শিশুৰ মুখ, হাত আৰু ভৰিত কেতবোৰ ঘাৰ সৃষ্টি হয়৷ আক্ৰান্ত শিশুসকলৰ জ্বৰ হয় আৰু এই জ্বৰ ১০২-১০৩ ডিগ্ৰীপৰ্যন্ত বৃদ্ধি পায়৷ আক্ৰান্ত শিশুসকলে এই ৰোগৰ পৰা উপশম পাবলৈ কমেও এসপ্তাহ সময়ৰ প্ৰয়োজন হয়৷ গুৱাহাটীৰ কেইবাখনো বিদ্যালয়ত শেহতীয়াকৈ এই ৰোগৰ প্ৰাদুৰ্ভাৱ পৰিলক্ষিত হৈছে৷ ৰোগবিধ অতি সহজে সংক্ৰমণ হোৱা কাৰ্যই স্বাস্থ্য বিভাগক অধিক উদ্বিগ্ন কৰিছে৷ এই ৰোগৰ কথা ধৰা পৰাৰ পাছতে স্বাস্থ্য মন্ত্ৰী কেশৱ মহন্তই প্ৰতিখন জিলাৰ পৰা এই ৰোগৰ বিষয়ত প্ৰতিবেদন বিচাৰিছে৷ এই ৰোগ চলি থকা ৰোগৰ মাজৰে এটা নে নতুন ৰোগ সেয়াও পৰীক্ষা কৰিবলৈ দিছে বুলি স্বাস্থ্য মন্ত্ৰীজনে সংবাদ মাধ্যমৰ আগত সদৰী কৰিছে৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...