Home Daily news সাৱধান ! ধূলিৰ ধুমুহাই কঢ়িয়াই আনিলে বিভিন্ন ৰোগৰ বীজাণু

সাৱধান ! ধূলিৰ ধুমুহাই কঢ়িয়াই আনিলে বিভিন্ন ৰোগৰ বীজাণু


ভয়ংকৰ প্ৰদূষণৰ গ্ৰাসত পৰিছে গুৱাহাটী মহানগৰ৷ এতিয়া কেৱল চাৰিওফালে ধূলি কেৱল ধূলি৷ ধূলিৰে ধূসৰিত হৈছে চৌদিশ৷ ধূলিৰ গ্ৰাসত কেউপিনে একো নেদেখা পৰিস্থিতিৰ সৃষ্টি হৈেছ৷ প্ৰদূষিত বায়ুৱে কুঁৱলীসদৃশ এক আৱৰণেৰে ঢাকি ধৰিছে মহানগৰৰ চৌদিশ৷ যাৰ ফলত ঘৰৰ বাহিৰলৈ ওলালেই উশাহ ল’ব নোৱৰাৰ পৰিস্থিতিৰ উদ্ভৱ হৈছে৷ ইফালে দীৰ্ঘদিন বৰষুণ নোহোৱাৰ ফলত অনাবৃষ্টিৰ লগতে বিভিন্ন নিৰ্মাণকাৰ্যৰ চলি থকাৰ বাবে গুৱাহাটী মহানগত এতিয়া ভয়ংকৰ প্ৰদূষণৰ কবলত পৰিছে৷ যোৱা তিনি মাহ মহানগৰত বৰষুণ নোহোৱাৰ ফলত বায়ুত যথেষ্ট পৰিমাণে প্ৰদূষণৰ মাত্ৰা বৃদ্ধি পাইছে৷ যাৰ ফলত বিভিন্ন ৰোগৰ সৃষ্টি হোৱাৰ আশংকা ঘনীভূত হৈছে৷ ৰাজ্যৰ লগতে খোদ গুৱাহাটীত দ্ৰুগগতিত শব্দ প্ৰদূষণ, বায়ু প্ৰদূষণ, পানী প্ৰদূষণ আদি বৃধিদ্ধ পাইছে৷ মহানগৰীত বৃদ্ধি পোৱা প্ৰদূষণক লৈ এতিয়া পৰিৱেশ বিজ্ঞানীসকলেও চিন্তিত হৈ পৰিছে৷ বিশেষকৈ গুৱাহাটী দেশৰ ভিতৰতে এখন প্ৰদূষিত মহানগৰ হিচাপে চিহ্নিত হৈছে৷ তথ্য অনুসৰি গুৱাহাটী মহানগৰত কাৰ্বন ডাই অক্সাইডৰ মাত্ৰা অত্যধিক পৰিমাণে বৃদ্ধি পাইছে৷ মহানগৰৰ বায়ুত দৈনিক কাৰ্বন ডাই অক্সাইডৰ পৰিমাণ ৯-৪২ মিউ থকাৰ গ্ৰাম৩ বিপৰীতে পুৱা আৰু সন্ধিয়া ৫০ মিউ গ্ৰাম৩ৰো অধিক হয়৷ একেদৰে ক্ষুদ্ৰ বিষাক্ত কণিকা পাৰ্টিকুলাৰ মেটাৰ, নাইট্ৰজেন অক্সাইড, ছালফাৰ ডাই অক্সাইডৰ পৰিমাণ ভয়াৱহ গতিত বৃদ্ধি পাইছে৷ এনে অৱস্থাত বিভিন্ন মাৰাত্মক ৰোগৰ সৃষ্টি হ’ব পাৰে৷ আনহাতে নিম্নগামী বায়ুৰ মান স্বাস্থ্যৰ পক্ষে হানিকাৰক বুলি বিশেষজ্ঞসকলে মন্তব্য কৰিছে৷ এনে বায়ু সেৱনৰ ফলত হাঁপানি, ব্ৰংকাইটিছ, এলাৰ্জি, বসন্ত আদি চৰ্মৰোগৰ হোৱাৰ সম্ভাৱনা থাকে৷ বিশেষকৈ শিশু আৰু বয়োজ্যেষ্ঠসকলৰ ক্ষেত্ৰত শ্বাস-প্ৰশ্বাস লোৱা অসুবিধা, হাঁওফাঁও, হূদৰোগ আদি হোৱাৰ সম্ভাৱনা প্ৰকট হৈ পৰে৷ তথ্য মতে অসমৰ মানুহৰ মৃত্যুৰ প্ৰথম ছটা কাৰকৰ ভিতৰত পুষ্টিহীনতা প্ৰথম আৰু বায়ু প্ৰদূষণ দ্বিতীয় স্থানত আছে৷ বৰ্ধিত বায়ু প্ৰদূষণে মানুহৰ মাজত শ্বাস-প্ৰশ্বাসজনিত ৰোগ, শ্বাসকফ, হাঁপানি আদি ৰোগ বৃদ্ধি কৰাত অৰিহণা যোগায়৷ আই চি এম আৰৰ তথ্য মতে ৰাজ্যত বায়ু প্ৰদূষণৰ বাবে এক লাখ জনসংখ্যাৰ ভিতৰত চাৰি হাজাৰ দুশজন লোক শ্বাসকফত আক্ৰান্ত হয়৷ অনাগত সময়ত মহানগৰত বৰষুণ নিদিয়ে যে বায়ু প্ৰদূষণৰ মাত্ৰা অধিক বৃদ্ধি পাব সেয়া নিশ্চিত৷ তেতিয়া ইয়াৰ বাসিন্দাসকল বিভিন্ন ৰোগত আক্ৰান্ত হোৱাৰ সম্ভাৱনা আছে৷ সেয়েহে জনসাধাৰণে সতৰ্কতা ব্যৱস্থা লোৱা উচিত, যাতে বায়ু প্ৰদূষণৰ ফলত হোৱা ৰোগৰ চিকাৰ হ’বলগীয়া নহয়৷

Most Popular

বিস্কুটৰ গাত অসংখ্য ছিদ্ৰ থকাৰ আঁৰৰ কথা জানেনে ?

বিস্কুট খোৱাটো আমি সকলোৱে পচন্দ কৰোঁ৷ পুৱাৰ ফিকা চাহকাপৰ সৈতে এখন বিস্কুট খোৱাৰ আমেজেই সুকীয়া৷ চাহ-বিস্কুটৰ জুতি নল’লে দিনটো যেন অসম্পূৰ্ণ হৈয়ে...

বিজ্ঞানীৰ উদ্ভাৱন : বিশ্বৰ ৰূপ সলনি কৰিব Red matter-এ

আধুনিক বিজ্ঞান-প্ৰযুক্তিৰ দিশত বিজ্ঞানীসকলে ন ন কৌশল উদ্ভাৱন ব্ৰতী হৈ আছে৷ ইয়াৰে ফচল হিচাপে এইবাৰ বিজ্ঞানীসকলে নতুন পদাৰ্থ...

নিমিষতে ম’বাইল ডাটা শেষনহ’বলৈ এই পদ্ধতি অৱলম্বন কৰক

আপুনি গোটেই দিনটোত ফে’চবুক, ৱাটছএপ কোনোটোৱে ব্যৱহাৰ কৰা নাই, অথচ আপোনাৰ স্মাৰ্টফোনটোৰ ডাটা ৫০ শতাংশ শেষ হৈ গৈছে৷ তাৰ বাবে আপুনি কাষ্টমাৰ...

বেচনৰ হেয়াৰ মাস্ক : চুলিৰ যত্নত কিদৰে ব্যৱহাৰ কৰিব ?

বহু যুগ ধৰি সৌন্দৰ্য বজাই ৰখাৰ বাবে বেচন ব্যৱহাৰ হৈ আহিছে৷ ছালৰ উজ্জ্বলতা, ব্ৰুন বা মুখৰ দাগ, পিগমেণ্টটেশ্যন আদি ছালৰ যিকোনো সমস্যা...