Home Daily news সাৱধান ! দেশত Tomato flu-ৰ প্ৰাদুৰ্ভাৱ

সাৱধান ! দেশত Tomato flu-ৰ প্ৰাদুৰ্ভাৱ

ভাৰতত প্ৰাদুৰ্ভাৱ হোৱা এটা নতুন ৰোগ সন্দৰ্ভত চিকিৎসকসকল চিন্তিত হৈ পৰিছে আৰু সতৰ্কতা জাৰি কৰিছে৷ নতুন ৰোগটো হ’ল টমেটো ফ্লু৷ হাত, ভৰি আৰু মুখত হোৱা এইটো এটা নতুন ধৰণৰ ৰোগ আৰু কেৰালা আৰু ওড়িষাত এই ৰোগ ধৰা পৰিছে৷ লেনচেট্‌ ৰেছপিৰেটৰি জাৰ্নালৰ মতে, টমেটো ফ্লু প্ৰথমতে ধৰা পৰে ৬ মে’ত কেৰালাৰ কোল্লামত আৰু এতিয়ালৈকে ৮২টা শিশু এই ৰোগত আক্ৰান্ত হৈছে৷ 
লেনচেটৰ প্ৰতিবেদনত কোৱা হৈছে যে আক্ৰান্ত হোৱা শিশুসকলৰ বয়স প্ত বছৰতকৈ কম৷ প্ৰতিবেদনত লেনচেটে কয় যে ক’ভিড-১৯১ সম্ভাব্য চতুৰ্থ ঢৌৰ সৈতে মোকাবিলা কৰি থকাৰ সময়তে টমেটো ফ্লু বা টমেটো ফিভাৰ নামৰ এটা নতুন ভাইৰাছে দেখা দিছে ভাৰতৰ কেৰালা ৰাজ্যত আৰু প্ত বছৰতকৈ কম বয়সৰ শিশুসকল আক্ৰান্ত হৈছে৷ এই সংক্ৰামক ৰোগৰ কাৰণ ইণ্টেছটাইনেল ভাইৰাছ৷ সাধাৰণতে প্ৰাপ্তবয়স্ক লোক এই ৰোগত আক্ৰান্ত নহয়, কাৰণ তেওঁলোকৰ ৰোগ প্ৰতিৰোধ ক্ষমতা বেছি থাকে৷ ৰোগীৰ শৰীৰত দেখা দিয়া ৰঙা, বেদনাদায়ক জোলাৰ কাৰণে এই সংক্ৰমণক টমেটো ফ্লু বুলি নামকৰণ কৰা হয়৷ জোলাবোৰ ক্ৰমাৎ ডাঙৰ হৈ গৈ থাকে আৰু বিলাহী একোটাৰ সমান হয়৷ 
ৰোগৰ লক্ষণ প্ৰায় চিকুনগুনিয়াৰ নিচিনা জ্বৰ হয়, শৰীৰত বিষ হয়, গাঁঠিবোৰ ফুলে আৰু অৱসাদ হয়৷ কিছুমান ৰোগীৰ ওকালি আহে, ডায়েৰিয়া, জ্বৰ হয়, দেহত পানীৰ নাটনি [ডিহাইড্ৰেশ্যন] হয়৷ কেৰালাৰ আন তিনি ঠাইতো এই ৰোগৰ প্ৰাদুৰ্ভাৱ হৈছে৷ ওড়িষাতো ৰ-জ্ঝ বছৰ বয়সৰ চ্ছটা শিশুৰ এই ৰোগ হোৱা বুলি ভুবনেশ্বৰত থকা আঞ্চলিক চিকিৎসা গৱেষণা কেন্দ্ৰই প্ৰকাশ কৰিছে৷ কেৰালা, ওড়িষা আৰু তামিলনাডুৰ বাদে ভাৰতৰ আন ৰাজ্যত এই ৰোগ হোৱা নাই৷ স্বাস্থ্য বিশেষজ্ঞসকলে কয় যে এই ৰোগৰ চিকিৎসাৰ বাবে কোনো নিৰ্দিষ্ট ঔষধ নাই৷ তেওঁলোকে লগতে সকীয়াই দিয়ে যে টমেটো ফ্লু অতি বেছি সংক্ৰামক৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...