Home Fitness Plus শোৱাৰ সময়ত পেশী টানি ধৰাৰ কাৰণ কি ?

শোৱাৰ সময়ত পেশী টানি ধৰাৰ কাৰণ কি ?

ৰাতি শুই থকাক সময়ত বহতেই পেশী টানি ধৰা বা কোঁচ খোৱা সমস্যাত ভোগে৷ কেতিয়াবা শুই থাকোঁতেই ভৰি বা হাতৰ পেশী টানি ধৰি প্ৰচণ্ড বিষত টোপনি ভঙাৰ লগতে অস্বস্তিকৰ কৰি তোলে৷ এনে সমস্যা হ’লে কেতিয়াবা লগে লগে পেশী কোঁচ খোৱা ভাল হয়, আন কেতিয়াবা আকৌ বহু সময়লৈ বিষ নিৰাময় নহয়৷ বিশেষজ্ঞৰ মতে ভিটামিন-ডি, টোকোফেৰল, ভিটামিন-ই, ভিটামিন-এ, পটেচিয়াম আদিৰ অভাৱ হ’লে শৰীৰৰ পেশী টানি ধৰা সমস্যাই দেখা দিয়ে৷ আনহাতে শিশুৰ বাঢ়নৰ সময়ত এই লক্ষণে দেখা দিব পাৰে৷ শিশুৰ হাড়ৰ লগতে পেশীৰ বৃদ্ধিৰ সমতা বজাই নাথাকিলে এই সমস্যাৰ সৃষ্টি হ’ব পাৰে৷ শৰীৰৰ ঐচ্ছিক পেশীৰ সহায়ত আমাৰ অংগ-প্ৰত্যংগবোৰ লৰচৰ কৰি বিভিন্ন কাম কৰিব পাৰে৷ সাধাৰণতে এই পেশীবোৰ সংকুচিত বা প্ৰসাৰিত হ’ব পাৰে৷ কেতিয়াবা দীৰ্ঘসময় ধৰি পেশীবোৰ সংকুচিত হৈয়ে থাকে, প্ৰসাৰিত নহয়৷ এই কাৰণে হঠাতে পেশী টানি ধৰিব পাৰে৷ যিসকল ক্ৰনিকজনিত ৰোগত ভুগি আছে বা আধাতজনিত সমস্যা আছে, তেওঁলোকৰ পেশী টান খোৱাটো স্বাভাৱিক৷ যিসকলৰ এইধৰণৰ কোনো সমস্যা নাই, সেইসকলৰ পেশী টানি ধৰাৰ কাৰণ জানো আহক৷
পেশীত লেকটিক এচিড অধিক মাত্ৰাত জমা হ’লে পেশীবোৰ সংকুচিত বা প্ৰসাৰিত হ’বলৈ নিদিয়ে৷ বিপৰীতে কৰিলে পেশীবোৰ টানি ধৰে৷
গৰ্ভাৱস্থাৰ সময়ত বহুতো মহিলাৰ শৰীৰত খনিজ পদাৰ্থৰ নাটনি হয়৷ সেয়ে এই সময়ত পেশী টানি ধৰা বা কোঁচ খোৱাৰ সমস্যা বৃদ্ধি পায়৷
মানুহৰ শৰীৰ ৯০ শতাংশ পানীৰে পৰিপূৰ্ণ৷ শৰীৰ পানীৰ পৰিমাণ ঠিকমতে থাকিলে ইয়াৰ অংগবোৰেও সঠিক মাত্ৰাত কাম কৰে৷ অন্যথা দেহত পানীৰ ভাৰসাম্য নষ্ট হ’লেই পেশী টানি ধৰা সমস্যাই দেখা দিব পাৰে৷
শৰীৰত যদি কোনো কাৰণত ভিটামিন বা মিনাৰেলত তাৰতম্য ঘটে, তেনেহ’লেও পেশী টানি ধৰা সমস্যাই দেখা দিব পাৰে৷

পেশী টানি ধৰা কিদৰে নিৰাময় কৰি ঃ-
শৰীৰত যাতে পানীৰ অভাৱ নহয়, সেইটো লক্ষ্য ৰাখিব৷ পৰ্যাপ্ত পৰিমাণে পানী সেৱন কৰক৷
শৰীৰচৰ্চা কৰাৰ সময়ত পেশী টানি ধৰিলে পৰ্যাপ্ত বিশ্ৰাম লওক৷
দুগ্ধজাত দ্ৰব্য, কল, আলমণ্ড, গাজৰ, বিন আদি খাদ্য তালিকাত অন্তৰ্ভুক্ত কৰক৷
ভিটামিন-এ, ভিটামিন-চি, ভিটামিন-ই, ভিটামিন-ও, পটেচিয়াম সমৃদ্ধ খাদ্য নিয়মিতভাৱে গ্ৰহণ কৰক৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...